სუამ-ის დამკვირვებელთა ჯგუფი - ადგილობრივი თვითმმართველობის არჩევნები შესაძლოა, შეფასდეს, როგორც თავისუფალი და სამართლიანი

არჩევნების დღეს, საარჩევნო პროცესის ორგანიზებისა და ადმინისტრირების მონიტორინგის შედეგების განსჯიდან გამომდინარე, სუამ-ის დამკვირვებელთა ჯგუფი ასკვნის, რომ ფუნდამენტური უფლებები და თავისუფლებები მთლიანობაში დაცული და უზრუნველყოფილი იყო. ადგილობრივი თვითმმართველობის არჩევნები შესაძლოა, შეფასდეს, როგორც თავისუფალი და სამართლიანი, - ამის შესახებ აღნიშნულია განცხადებაში, რომელსაც დემოკრატიისა და ეკონომიკური განვითარების ორგანიზაციის -სუამის სადამკვირვებლო მისია საქართველოში ჩატარებულ თვითმმართველობის არჩევნებთან დაკავშირებით ავრცელებს.

„დედაქალაქ თბილისის საარჩევნო უბნებზე – კრწანისის რაიონის No.2 და No.4, ვაკის რაიონის No. 3, საბურთალოს რაიონის ნომერ No. 60 და No. 60, დიდუბის რაიონის ნომერ No. 30 და ჩუღურეთის ნომერ პირველ უბნებზე დაკვირვების შედეგების საფუძველზე სუამ-ის დამკვირვებლებმა გადაწყვიტეს შემდეგი განცხადების გაკეთება:

საქართველოს მუნიციპალური არჩევნები ორგანიზებული იყო და ჩატარდა საერთშორისო ვალდებულებებისა და სტანდარტების შესაბამისად, მათ შორის ეუთო-სა და ევროპის საბჭოს ვალდებულებებით და სტანდარტებით და საქართველოს ცენტრალური საარჩევნო კომისიის მიერ შემუშავებული ეროვნული კანონმდებლობით, წესებითა და პროცედურებით.

არჩევნები ორგანიზებული იყო და ჩატარდა კონკურენტულ საფუძველზე, მშვიდად და წესრიგიანად. მკაცრად იყო დაცული ხმის მიცემის დაწესებული პროცედურები, საარჩევნო პროცესი იყო კარგად ორგანიზებული და გამჭვირვალე. ზოგიერთ საარჩევნო უბანზე შემოღებულ იქნა ახალი პროცედურები და ელექტრონული ხმის მიცემის პროცესი მანიპულაციების შესაძლებლობების აღმოსაფხვრელად. ზემოხსენებულ საარჩევნო უბნებზე ამომრჩეველთა აქტივობა შედარებით მაღალი იყო”, - აღნიშნულია განცხადებაში.

ორგანიზაციაში აცხადებენ, რომ მათი სადამკვირვებლო მისია 2021 წლის 2 ოქტომბერს გამართულ მუნიციპალურ არჩევნებს საქართველოს ხელისუფლების მოწვევით დააკვირდა. დამკვირვებელთა ჯგუფი შედგებოდა აზერბაიჯანის რესპუბლიკის პარლამენტის (მილი მეჯლისი) წევრის, კავიდ ოსმანოვისა და სუამ-ის გენერალური მდივნის, ალთაი ეფენდიევისგან.

„მოცემული მისია ძირითადად ორიენტირებული იყო არჩევნების დღეს ხმის მიცემის პროცესის ორგანიზებისა და ადმინისტრირების დაკვირვებასა და შეფასებაზე, კერძოდ – საარჩევნო უბნებსა და მის გარშემო არსებული სიტუაციაზე, უბნების საარჩევნო კომისიების შემადგენლობაზე, ხმის მიცემის პროცესის ორგანიზებაზე, საარჩევნო უბნებზე არსებულ პირობებზე, ამომრჩეველთა ნების თავისუფალი და ფარული გამოხატვის უზრუნველყოფაზე, საარჩევნო პროცესის გამჭვირვალობაზე, პოლიტიკური პარტიების, მედიის, დამოუკიდებელი დამკვირვებლების წარმომადგენლების დასწრებაზე“, - აღნიშნულია განცხადებაში.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა