ერთთვიანი პაუზის შემდეგ, პარლამენტის პლენარული სხდომა გაიმართება. 5 ოქტომბერს, 11:00 საათზე, პარლამენტის ბიუროს სხდომა ჩაინიშნა, ხოლო პლენარული სხდომა 12:00 საათზე დაიწყება.
პლენარული სხდომა პოლიტიკური დებატებით დაიწყება, რის შემდეგაც ინიცირებულ კანონპროექტებს განხილავენ.
სავარაუდოდ, ხვალინდელ პლენარულ სხდომაზე კენჭი ეყრება დეპუტატ ნიკა მელიასთვის სადეპუტატო უფლებამოსილების ვადამდე შეწყვეტის საკითხს.
ადგილობრივი არჩევნების გამო ბოლო ერთი თვის მანძილზე პარლამენტის სხდომები არ გამართულა.