რუსთავის ციხესთან „ნაციონალური მოძრაობის“ და მათი მხარდამჭერების აქცია დასრულდა
რუსთავის მე-12 პენიტენციურ დაწესებულებასთან, „ნაციონალური მოძრაობის“ და მათი მხარდამჭერების აქცია დასრულდა.
მე-12 პენიტენციურ დაწესებულებასთან, სადაც ყოფილი პრეზიდენტი მიხეილ სააკაშვილი იმყოფება, აქცია გაიმართა სლოგანით “თავისუფლება პრეზიდენტ სააკაშვილს“. ასევე ისმოდა მუსიკა „მიშა მაგარია!“
აქციაზე დამონტაჟებული იყო სცენა, საიდანაც პარტიის ლიდერები სიტყვით მიმართავდნენ აქციაზე მყოფ მოქალაქეებს. მათი განცხადებით, მიხეილ სააკაშვილი პოლიტიკური პატიმარია.
ლიდერების განმარტებით, მიხეილ სააკაშვილი ციხეში მხნედ არის.
პოლიტიკოსების განმარტებით, დღევანდელ აქციას შეუერთდნენ ემიგრანტები სხვადასხვა ქვეყნიდან, მათ შორის, საფრანგეთიდან, გერმანიიდან და ესპანეთიდან.
ადგილზე მობილიზებული იყო პოლიცია.
