ბადრი ჯაფარიძე - სააკაშვილის ჩამოსვლამ და დაკავებამ ძალიან დიდი ზეგავლენა იქონია შედეგებზე - 1-ელ ოქტომბრამდე შანსი არ ჰქონდა „ქართულ ოცნებას“ 43% მოეპოვებინა

სამწუხაროდ, პირველ ოქტომბერს მომხდარმა მოვლენებმა ძალიან დიდი ზეგავლენა იქონია 2 ოქტომბრის შედეგებზე - მოხდა კვლავ პოლარიზაცია, ვგულისხმობ სააკაშვილის ჩამოსვლას და მის დაკავებას, ამან მოახდინა ვითარების პოლარიზება, - ამის შესახებ პარტია „ლელოს“ ერთ-ერთმა ლიდერმა, ბადრი ჯაფარიძემ „პალიტრანიუსის“ გადაცემაში „360 გრადუსი“ განაცხადა.

როგორც ბადრი ჯაფარიძემ აღნიშნა, 2 ოქტომბრამდე, სანამ ექსპრეზიდენტი მიხეილ სააკაშვილი საქართველოში ჩამოვიდოდა და დააკავებდნენ, „ქართულ ოცნებას“ 43%-ის აღების შანსი რეალურად არ ჰქონდა.

მისივე თქმით, ადგილობრივი თვითმმართველობის არჩევნებამდე ერთი დღით ადრე, ყოფილი პრეზიდენტის ქვეყანაში დაბრუნების საკითხმა „ლელოს“ ამომრჩეველზე ზეგავლენა იქონია და ჯაფარიძის განმარტებითვე, მათმა პარტიამ ხმები დაკარგა.

„სამწუხაროდ, პირველ ოქტომბერს მომხდარმა მოვლენებმა ძალიან დიდი ზეგავლენა იქონია 2 ოქტომბრის შედეგებზე, მოხდა კვლავ პოლარიზაცია, ვგულისხმობ, სააკაშვილის ჩამოსვლას და მის დაკავებას - ამან მოახდინა ვითარების პოლარიზება. პირველ ოქტომბრამდე, პრაქტიკულად, შანსი არ ჰქონდა „ქართულ ოცნებას“ 43% მოეპოვებინა ქვეყნის მასშტაბით. ვითარების პოლარიზებამ მისცა საშუალება „ქართულ ოცნების“ პოლუსს, თავისკენ წაეღო „ქართულ ოცნებასთან“ მეტ-ნაკლებად აფილირებული ან მათი წიაღიდან წამოსული პარტიების მხარდამჭერების ხმები. ამასთან, აქეთ მხარეს ოპოზიციური ელექტორატის საკმაო ნაწილი თავისკენ წაიღო „ნაციონალური მოძრაობის“ პოლუსმა. ამ პოლიტიკური მიწისძვრის შედეგად, ჩვენს ამომრჩეველზე ამან ზეგავლენა იქონია“, - განაცხადა ბადრი ჯაფარიძემ.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს