მამუკა მდინარაძე ე.წ. ფარულ ჩანაწერებთან დაკავშირებით ელჩების განცხადებაზე - ყველა ერთად უნდა დაველოდოთ პასუხს, რა ხდებოდა სინამდვილეში

ჩვენ და ჩვენი პარტნიორებიც, ყველა ერთად უნდა დაველოდოთ პასუხს რა ხდებოდა სინამდვილეში - ამ პასუხს არამხოლოდ ქართული სამართალდამცველები, არამედ ჩვენი პარტნიორი ქვეყნების სამართალდამცველებიც გასცემენ , - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ განაცხადა, რითაც შეაფასა საქართველოში აკრედიტირებული დიპლომატიური კორპუსის განცხადება.

მდინარაძის თქმით, როდესაც გავრცელებულ ფარულ ჩანაწერებთან დაკავშირებით პასუხები ეცოდინებათ, იმსჯელებენ, ვისი პასუხისმგებლობა იყო.

„ჩვენ ვიცით ამ ქვეყანაში ზუსტად რა მოხდა? რეალურ კრებსებთან გვაქვს საქმე, მოგონილია ეს ყველაფერი, ზოგი ტყუილია ეს ყველაფერი, ზოგი მართალი, ეს ტყუილ-მართალი ან საიდან გამოვიდა ან მოსმენილია თუ არა კანონიერად, სხვა ქვეყნის სპეცსამსახურები ხომ არ იყვნენ ამაში ჩართული, ამ კითხვებზე პასუხი არსებობს? ყველა მოქალაქემ იცის, რომ თუ არ სჭირდება, რომ პოლიტიკურად მიკერძოებული იყოს, ამასთან დაკავშირებული პასუხი არ არსებობს. შესაბამისად, სანამ პასუხები არ იქნება, ამ სიტუაციის ანალიზი, ზოგად ვარაუდებზე დაყრდნობილის გარდა, კონკრეტული პასუხი არ არსებობს. შესაბამისად ჩვენ უნდა დაველოდოთ ყველანი ერთად პასუხს, ჩვენი პარტნიორები, უნდა დაველოდოთ პასუხს რა ხდებოდა სინამდვილეში. ამ პასუხს არამხოლოდ ქართული სამართალდამცველები, არამედ ჩვენი პარტნიორი ქვეყნების სამართალდამცველებიც გასცემენ. ასეთი დასკვნის შემდეგ ჩვენ ვიმსჯელოთ და ვილაპარაკოთ ვისი პასუხისმგებლობა იყო და ვინ რა გააკეთა. ვის პერიოდში ჩაიწერა თუ არა ჩაიწერა“ , - განაცხადა მდინარაძემ.

საქართველოში აკრედიტირებული დიპლომატიური კორპუსის ელჩების წარმომადგენლობითი ჯგუფი საქართველოს პრემიერ-მინისტრის მოადგილესა და საგარეო საქმეთა მინისტრ დავით ზალკალიანთან შეხვედრასთან დაკავშირებით განცხადებას ავრცელებენ.

როგორც საქართველოში აკრედიტირებული დიპლომატიური კორპუსის განცხადებაშია ნათქვამი, შეხვედრაზე გამოითქვა სერიოზული შეშფოთება, უშიშროების სამსახურების მხრიდან სატელეფონო მიყურადების ახლახანს გამოვლენილ ფაქტებთან დაკავშირებით.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს