ირაკლი ზარქუა - ვისურვებდი, პატარა პარტიები გაძლიერდნენ - შალიკოს ფანჩატურში რომ დაჯდები, მოსახლეობა იმ ადგილს მიგიჩენს, როგორც იყო აქამდე

„ქართული ოცნების“ ერთ-ერთი ლიდერის, პარლამენტის დეპუტატ ირაკლი ზარქუას განცხადებით, მიხეილ სააკაშვილი საქართველოში იქნება თუ საზღვარგარეთ „ნაციონალურ მოძრაობას“ 30%-ზე მეტი მხარდაჭერა ვერ ექნება.

მისივე თქმით, „ქართულმა ოცნებამ“ ზოგიერთ რეგიონში ამომრჩეველთა მობილიზება ვერ მოახერხა, რადგან გარკვეული შეცდომები იქნა დაშვებული.

„რეალურად „ნაციონალურ მოძრაობას“ მხარდაჭერა 30% აქვს, გინდ ჩამოვიდეს გინდ არა, გინდ შიგნით იყოს გინდ გარეთ არ აქვს მნიშვნელობა, ჩვეულებრივი 30% აქვთ. ჩვენ საუბარი გვაქვს, რომ ადამიანების მობილიზება, მათ შორის რეგიონებში, ვერ მოვახერხეთ გარკვეული ხარვეზების გამო. მაგალითად, სამეგრელოში პრობლემები გვაქვს იმიტომ, რომ რაღაც არასწორად გაკეთდა ბევრი რაღაც, ამას ალალად გეუბნებით“, - განაცხადა ირაკლი ზარქუამ.

ირაკლი ზარქუას თქმით, ოპოზიციურმა პარტიებმა „ჭკუა უნდა ისწავლონ“ და „ნაციონალურ მოძრაობასთან“ აღარ უნდა „აითქვიფონ“.

„მე უფრო გამიხარდებოდა, რომ დისკუსია და კამათი გვქონდეს სხვა ოპოზიციურ პარტიებთან, მაგრამ რეალობაა ეს, რომ მთავარი ოპოზიციური პარტია დღემდე არის „ნაციონალური მოძრაობა“. ეს მომწონს თუ არ მომწონს, ფაქტია. მე ვისურვებდი, რომ პატარა პარტიები გაძლიერდნენ, მაგრამ უნდა გაძლიერდნენ არა იმით, რომ „ნაციონალურ მოძრაობას“ და სააკაშვილს დაუსხდნენ გვერდით, არა, თავიანთი ხედვით, თავიანთი პროგრამით, თავიანთი პრინციპული პოზიციით უნდა გაძლიერდნენ. აბა, რომ აითქვიფნენ და რომ დაჯდები შალიკოს ფანჩატურში, მოსახლეობა ზუსტად იმ ადგილს მიგიჩენს როგორც იყო აქამდე. ამაზე ალბათ ყველამ უნდა ვისწავლოთ ჭკუა, მათ შორის პატარა ოპოზიციურმა პარტიებმა, რომ არ შეიძლება აღრევა ამ მწვალებელთა პარტიასთან“, - განაცხადა ირაკლი ზარქუამ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო