„მეორე ტური იმით კი არ უნდა დასრულდეს, რომ ოპოზიციის კანდიდატები მერები გახდებიან, უმთავრესი მიზანი ვადამდელი საპარლამენტო არჩევნების დანიშვნა უნდა გახდეს“,- აცხადებს „ტრიბუნას“ ლიდერი დავით ჭიჭინაძე.
მისივე თქმით, დღის წესრიგი უნდა შეიცვალოს თუ ჩვენ გვინდა, რომ ქვეყანაში არ იყოს კორუფცია, მიჩქმალული საქმეები, აღარ იყვნენ პრივილეგირებული ფენები, არ იყოს ჩუმი გარიგება და ყველამ ვიცოდეთ ვინ გვმართავს და ვინ ფლობს ქვეყანაში ძალაუფლებას.
„თუ ჩვენ ვიბრძვით ამ ქვეყანაში მანკიერების გამოსასწორებლად, უნდა გამოცხადდეს არა რომელიმე კონკრეტული პარტიის გამარჯვების კამპანია, არამედ ერთიანი ეროვნული კამპანია, სადაც არცერთი ოპოზიციონერი ადამიანი თავს უცხოდ არ ჩათვლის.
ყველამ უნდა იცოდეს, რისთვის იბრძვის და ჩუმად კი არ უნდა მოხდეს გარიგებები და "ყიდვა-გაყიდვა", მთელმა ოპოზიციამ უნდა მოახერხოს და ერთობლივად ამხილოს "ქართული ოცნების" ხელისუფლების მანკიერება. ანუ დღის წესრიგი უნდა შეიცვალოს.
მეორე ტური იმით კი არ უნდა დასრულდეს, რომ ოპოზიციის კანდიდატები მერები გახდებიან, უმთავრესი მიზანი ვადამდელი საპარლამენტო არჩევნების დანიშვნა უნდა გახდეს. მითუმეტეს, რომ ის ე.წ. მითიური 43% თავიდანვე ვაჭრობის საგანი იყო, ადამიანებს კი ცვლილებები უნდათ“, - აცხადებს დავით ჭიჭინაძე.