ხატია დეკანოიძე - საქართველოს დაკნინებული იმიჯი კიდევ უფრო გამოიკვეთა საერთაშორისო საზოგადოების მხრიდან

საქართველოს დაკნინებული იმიჯი, რა თქმა უნდა, კიდევ უფრო გამოიკვეთა საერთაშორისო საზოგადოების მხრიდან, - ამის შესახებ “ნაციონალური მოძრაობის” ერთ-ერთმა ლიდერმა ხატია დეკანოიძემ განაცხადა, რითაც საერთაშორისო პარტნიორების მიერ 2 ოქტომბრის არჩევნების შეფასებებს გამოეხმაურა.

მისივე თქმით, არჩევნებზე მასიური და ტოტალური გაყალბება იყო და ამის შესახებ დამატებით ინფორმაციას საერთაშორისო პარტნიორებს კიდევ მიაწვდიან.

“არც ერთ შეფასებაში საქართველოში მიმდინარე არჩევნები არ წარმოადგენს რეალურად თავისუფალ და სამართლიანს - არ არის ასეთი მითითება, რომ ეს არჩევნები იყო თავისუფალი და სამართლიანი. იყო მოსყიდვა, იყო ზეწოლა, იყო წარმოუდგენელი მასშტაბის გაყალბება და შესაბამისად, მე გამოძიების იმედი არ მაქვს, რადგან პირადად მე რამდენჯერმე მოვუწოდე სახელმწიფო სტრუქტურებს კონკრეტულ ფაქტზე, რომ დაეწყოთ გამოძიება, მაგრამ სამწუხაროდ, რა თქმა უნდა, ეს არ განხორციელდა. ამიტომ საქართველოს დაკნინებული იმიჯი, რა თქმა უნდა, კიდევ უფრო გამოიკვეთა საერთაშორისო საზოგადოების მხრიდან. მთავარი მაჩვენებელი და არჩევნების სანდოობის შეფასება რა თქმა უნდა, არის მისი თავისუფალი და სამართლიან პირობებში ჩატარება, რაც ჩვენ საერთაშორისო პარტნიორების მხრიდან არ მოგვისმენია. მასიური და ტოტალური გაყალბება იყო და ამაზე ინფორმაციას ჩვენ საერთაშორისო პარტნიორებს კიდევ მივაწვდით. შეფასება იყო ძალიან ადეკვატური, ვინც ამბობს, რომ საქართველომ ძალიან დიდი ნაბიჯი გადადგა უკან ამ არჩევნებით და ეს არჩევნები არის წარმოუდგენელი იმედგაცრუება საქართველოსგან", - განაცხადა დეკანოიძემ.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს