გიორგი ვაშაძის განცხადებით, არჩევნების პირველი ტურის შემდეგ, მის შესახებ ყალბი ახალი ამბები ვრცელდება

„მესამე ძალა-სტრატეგია აღმაშენებლის“ ლიდერის, გიორგი ვაშაძის განცხადებით, არჩევნების პირველი ტურის შემდეგ, მის შესახებ ყალბი ახალი ამბები ვრცელდება.

როგორც გიორგი ვაშაძემ დღევანდელ ბრიფინგზე აღნიშნა, ეს არის მათ წინააღმდეგ მიზანმიმართული კამპანია, რომელიც “ქართული ოცნების” სხვადასხვა დაჯგუფებებიდან მოდის.

„სამწუხაროდ, არჩევნების შემდეგაც არ წყდება Fake news- ების გავრცელება. მე ხელთ მაქვს ის ყალბი ახალი ამბები, რომლებიც ჩემი ფოტოსურათით ვრცელდება, თითქოს მე ეს განცხადებები გავაკეთე. ვფიქრობ, ეს პირდაპირ “ქართული ოცნების” სხვადასხვა დაჯგუფებებიდან მოდის, მაგრამ ყველაზე ცუდია, რომ ზოგიერთი ოპოზიციური პარტიის აქტიური მხარდამჭერი ავრცელებს ამ fake news - ებს. მინდა მათ ვთხოვო, ცრუ ინფორმაციები აღარ გაავრცელონ, რა თქმა უნდა, ყველა გამავრცელებელი გვერდი დარეპორტებულია, ეს არის მიზანმიმართული კამპანია, რომელიც ჩვენს წინააღმდეგ ხორციელდება”, - განაცხადა ვაშაძემ.

ამასთან, გიორგი ვაშაძის თქმით, პარტიის მხარდამჭერებზე ზეწოლა გრძელდება. მან კონკრეტული მაგალითები დაასახელა.

“სამწუხაროდ, ჩვენს მხარდამჭერებზე კვლავ გრძელდება ზეწოლა, კონკრეტულად მინდა დავასახელო ლანჩხუთი და ნინოწმინდა. ლანჩხუთში “მესამე ძალა-სტრატეგია აღმაშენებლის” სიის პირველი ნომრის შვილი, გვანცა ჩხარტიშვილი გაათავისუფლეს სამსახურიდან, გვანცა ახლაც საოლქო საარჩევნო კომისიაში ჩვენგან დანიშნული წევრია, ის მუშაობდა ბაღების მონიტორინგის მენეჯერის პოზიციაზე. ნინოწმინდაში ჩვენი მხარდამჭერი გაათავისუფლეს ვეტერინარის პოზიციიდან, რამდენი ვეტერინარი უნდა იშოვონ ნინოწმინდაში?! ყველაფრის მიუხედავად, პოლიტიკური ნიშნის გამო გაათავისუფლეს ვეტერინარის პოზიციიდან. ძალიან სამწუხაროა, რომ “ქართული ოცნება” წნეხს და თავდასხმას ჩვენს მხარდამჭერებზე კვლავ აგრძელებს. ჩვენ “მესამე ძალა-სტრატეგია აღმაშენებელი” ყველა მათგანის უფლებას დავიცავთ, თუ საჭირო იქნება სასამართლოსაც მივმართავთ”, - განაცხადა გიორგი ვაშაძემ.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს