სპეციალური პენიტენციური სამსახური ყოფილი პრეზიდენტის, მიხეილ სააკაშვილის ჯანმრთელობის მდგომარეობის შესახებ კომენტარს არ აკეთებს.

შესაბამისად, უცნობია, 6-დღიანი შიმშილობის შემდეგ როგორია მიხეილ სააკაშვილის ჯანმრთელობის მდგომარეობა და ესაჭიროება თუ არა მას სამედიცინო დახმარება.

„ინტერპრესნიუსი“ სპეციალურ პენიტენციურ დაწესებულებას რამდენჯერმე დაუკავშირდა, თუმცა უწყებაში კომენტარი ამ დროისთვის არ კეთდება.

ცნობისთვის, მიხეილ სააკაშვილმა შიმშილობა დაკავებისთანავე გამოაცხადა.