49 სოფელში იმუნიზაციასთან დაკავშირებული ე.წ. მარათონი ჩატარდება

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, იმუნიზაციასთან დაკავშირებული ე.წ. მარათონი 49 სოფელში ჩატარდება, სადაც 160-170 ათასამდე ადამიანი ცხოვრობს.

როგორც გამყრელიძე განმარტავს, თითოეულ სოფელზე მიმაგრებული იქნება დაავადებათა კონტროლის ეროვნული ცენტრის წარმომადგენელი, რომელიც აღნიშნულ პროცესს კოორდინაციას გაუწევს.

„15 ან 18 ოქტომბრიდან ვიწყებთ ე.წ. მარათონს, ანუ კვირეულს. ჩვენ გვექნება გუბერნატორებთან და მერებთან შეხვედრა. 49 სოფელი აირჩა საბოლოოდ, თავიდან 67 იყო, მაგრამ ამოვიღეთ ის ადგილი, სადაც არჩევნები უნდა ჩატარდეს, რათა მარათონს სხვა ინტერპრეტაცია არ მიეცეს.

ის სოფლები ავარჩიეთ, სადაც 3 ათასზე მეტი ადამიანი ცხოვრობს. ამ სოფლებში ჯგუფები, ე.წ. აგიტატორები იმუშავებენ. დაავადებათა კონტროლის ეროვნულის ცენტრის აგიტატორთა ჯგუფმა დაიწყო უკვე სხვადასხვა სოფელში სიარული და მოსახლეობასთან შეხვედრა.

რა თქმა უნდა, დიდი გავლენა აქვს ადგილობრივ რწმუნებულებს. ყველა ამ სოფელში არის ამბულატორია და სოფლის ექიმი. თითოეულ სოფელზე მიმაგრებული იქნება დაავადებათა კონტროლის ეროვნული ცენტრის წარმომადგენელი, რომელიც კოორდინაციას გაუწევს პროცესს. ამ 49 სოფელში ცხოვრობს 160-170 ათასამდე ადამიანი. ამ ეტაპზე, 16 წლამდე ბავშვები გამოაკლდება. თუ იქ მოცვის მაჩვენებელის 40-50%-ზე ავედით, ძალიან კარგი იქნება",- აღნიშნავს გამყრელიძე.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა