ადვოკატი - ვითხოვთ ჩატარდეს სასამართლო პროცესები, სადაც წარდგება მიხეილ სააკაშვილი და თუ მართლაც შეშინებული არ არის ხელისუფლება, რატომ არ ნიშნავენ სასამართლო განხილვებს?

ვითხოვთ ჩატარდეს სასამართლო პროცესები, სადაც პირდაპირ წარდგება მიხეილ სააკაშვილი და თუ მართლაც შეშინებული არ არის ხელისუფლება, რატომ არ ნიშნავენ სასამართლო განხილვებს,- ამის შესახებ მესამე პრეზიდენტის მიხეილ სააკაშვილის ადვოკატმა ბექა ბასილაიამ ჟურნალისტებს რუსთავის ციხესთან მიხეილ სააკაშვილთან შესვლამდე განუცხადა.

მისივე განმარტებით, ის, რომ სასამართლო სხდომები არ ტარდება სააკაშვილთან მიმართებით, ეს სასამართლოსადმი პოლიტიკური შეკვეთაა.

„მიშას ვხვდებით ყოველდღიურად, პატივიც კი არის, რომ ვიცავთ მის ინტერესებს. დღეს, რამე განსაკუთრებული არ იგეგმება. თუმცა, ხაზი უნდა გაესვას ერთ გარემოებას, რომ ამ დრომდე სასამართლო დუმს და პასუხს არ გვცემს სხდომების გამართვის მოთხოვნაზე.

ხელისუფლების დღევანდელი დღის წესრიგია, როგორღაც ხმა ვერ მიაწვდინოს საზოგადოებას მიხეილ სააკაშვილმა. ადვოკატების მეშვეობით მიხეილ სააკაშვილს აქვს კომუნიკაცია საზოგადოებასთან, მაგრამ ჩვენ ვითხოვთ ჩატარდეს სასამართლო პროცესები, სადაც პირდაპირ წარდგება მიხეილ სააკაშვილი და თუ მართლაც შეშინებული არ არის ხელისუფლება, რატომ არ ნიშნავენ სასამართლო განხილვებს, რა აზრი შეიძლება იდოს ამაში? მიხეილ სააკაშვილი ნამდვილად შიმშილობს, ეს ყველას ძალიან კარგად მოეხსენება. შიმშილობას თვალ-ყურს ადევნებს ციხის ადმინისტრაციაც და ამაზე არანაირი ეჭვიც არ ჩნდება. ფიზიკური მდგომარეობის მხრივ, გუშინ, როდესაც შევხვდით ის იყო მხნედ, განწყობილია ბრძოლისთვის. თუ სასამართლო ჩანიშნეს 20 ოქტომბრის შემდეგ და ა. შ. მისი ფიზიკური მდგომარეობა არ იქნება სახარბიელო და სასამართლო პროცესები უნდა ჩაინიშნოს თუნდაც ხვალ, ორშაბათს ან სამშაბათს. თუმცა, ნორმალურ ვითარებაში მიხეილ სააკაშვილის დაკავებიდან პირველივე ორშაბათს უნდა გამართულიყო. სამწუხაროდ, მოსამართლეთა ეს შემადგენლობაც აგრძელებს მურუსიძე-ჩინჩალაძის "კლანის”, ღარიბაშვილის და ივანიშვილის დაკვეთებს და ამ დრომდე არ ატარებენ პროცესებს. რა თქმა უნდა, ეს არის პოლიტიკური შეკვეთა სასამართლოს მიმართ“, - განაცხადა ბექა ბასილაიამ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა