შალვა პაპუაშვილი - "ნაცმოძრაობის" მერობის კანდიდატის 287 ხმა მითვლილი ჰქონდა გახარიას პარტიის მერობის კანდიდატს, ახლა რა ვქნათ, ზოგიერთი პოპულისტივით ვთქვათ, რომ გახარიამ "ნაცმოძრაობას" გაუყალბა?

„ნაციონალური მოძრაობის" მერობის კანდიდატის 287 ხმა მითვლილი ჰქონდა გახარიას პარტიის მერობის კანდიდატს - ზოგიერთი პოპულისტივით ბრიფინგს ბრიფინგზე რომ მართავენ, ვთქვათ, რომ გახარიამ "ნაციონალურ მოძრაობას" გაუყალბა? - ამის შესახებ საპარლამენტო უმრავლესობის წევრი შალვა პაპუაშვილი აცხადებს.

როგორც პაპუაშვილი უბნებში დაფიქსირებულ დისბალანსთან დაკავშირებით აღნიშნავს, ხარვეზი ზოგჯერ მართლაც ხარვეზია და ამით მანიპულირება ხდება.

„ყვარლის მე-8 უბანზე, შემთხვევით შერჩევით 10%-ის გადათვლისას, აღმოჩნდა, რომ "ნაციონალური მოძრაობის" მერობის კანდიდატის 287 ხმა მითვლილი ჰქონდა გახარიას პარტიის მერობის კანდიდატს. რა ვქნათ ახლა? ზოგიერთი პოპულისტივით ბრიფინგს ბრიფინგზე რომ მართავენ, ვთქვათ, რომ გახარიამ "ნაციონალურ მოძრაობას" გაუყალბა?

სინამდვილეში, ზოგჯერ ხარვეზი, უბრალოდ ხარვეზია. რაც სწორედ შემთხვევით შერჩეული უბნების 10%-ის გადათვალამაც დაადასტურა.

სხვათა შორის, დაზუსტების შედეგად "ქართულ ოცნებას" თბილისში 520 ხმა დაგვემატა (ანუ აღმოჩნდა, რომ მანამდე დაგვაკლეს და გაგვიყალბეს).

ასე, რომ იცოდეთ, ყველა ვინც დღეს ამ საკითხით მანიპულირებს, უბრალოდ თქვენით მანიპულირებს,"- წერს პაპუაშვილი სოციალურ ქსელში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს