მიხეილ სარჯველაძე გახარიას განცხადებაზე - დაუსაბუთებელი ბრალდებებით შორს ვერ წავა ვერც ერთი პოლიტიკოსი - იქ, სადაც კონკრეტული მოლაპარაკების საჭიროება იარსებებს, ეს ხილულად და მარტივად მოხდება

დაუსაბუთებელი ბრალდებებით შორს ვერ წავა ვერც ერთი პოლიტიკოსი და პოლიტიკური ძალა - იქ, სადაც კონკრეტული მოლაპარაკების საჭიროება იარსებებს, ეს ხილულად და მარტივად მოხდება, - ასე პასუხობს ადამიანის უფლებათა კომიტეტის თავმჯდომარე მიხეილ სარჯველაძე ჟურნალისტებთან პარტია „საქართველოსთვის" ლიდერის, გიორგი გახარიას განცხადებას.

მისივე თქმით, საჯარო ფორმატში მოლაპარაკებების გამართვის საჭიროება არ არსებობს და აუცილებელი არ არის ასეთი მოწოდებებით გამოსვლა საზოგადოების წინაშე ქულების დასაწერად.

„სამი მუნიციპალიტეტია, სადაც გარკვეულ თემებზე კონსულტაციები აუცილებელი იქნება და რეალურად, ამას მუნიციპალიტეტის ინტერესების გათვალისწინებით თავისუფლად მოახერხებს „ქართული ოცნების" ხელისუფლება ადგილებზე, რაც იქნება აუცილებელი კონკრეტული გადაწყვეტილებების მისაღებად. კოალიციის შესაძლებლობებს რაც შეეხება, უნდა ითქვას, რომ ასე პარტიასთან კონსულტაციები და გეგმები მათთან თანამშრომლობაზე არ არსებობს, იქნება თემატური და ცალკეულ პირებთან მოლაპარაკებები ცალკეული საკითხების თაობაზე გადაწყვეტილებების მისაღებად“, - განაცხადა სარჯველაძემ.

შეგახსენებთ, რომ პარტია „საქართველოსთვის“ „ქართულ ოცნებას“ და „ნაცმოძრაობას“ სთავაზობს საკრებულოების თავმჯდომარეებთან დაკავშირებით ღია სამმხრივი მოლაპარაკებები გამართონ.

ამასთან, პარტიის ლიდერის, გიორგი გახარიას განცხადებით, „ქართული ოცნება“ და „ნაციონალური მოძრაობა“ მის პარტიას „ფარული მოლაპარაკებების ფარგლებში” სთავაზობენ შეთანხმებას, რათა საკრებულოები მათი სასურველი კანდიდატურებით დაკომპლექტდეს.

როგორც გახარიამ ბრიფინგზე განაცხადა, პარტიები მას სანაცვლოდ „რაღაც სარგებელს“ ჰპირდებიან. კითხვაზე, კონკრეტულად, რა სარგებელს სთავაზობენ, გახარია ამბობს: „რაღაც თანამდებობებს, სხვათა შორის, აღმასრულებელ ხელისუფლებაში”.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს