„ჯივიპი“ 8 ოქტომბერს ვაზისუბნის სატუმბო სადგურზე აუცილებელ ტექნიკურ სამუშაოებს ჩაატარებს

„ჯორჯიან უოთერ ენდ ფაუერი“ 8 ოქტომბერს ისნის რაიონში, ვაზისუბნის სატუმბო სადგურზე აუცილებელ სამუშაოებს განახორციელებს.

როგორ კომპანიის მიერ გავრცელებულ ინფორმაციაშია ნათქვამი, წყალმომარაგების სტაბილურობისთვის ტექნიკური სამუშაოები ტუმბო-აგრეგატზე ჩატარდება. ასევე მოეწყობა 110 მეტრი სიგრძის წყალმომარაგების ქსელი.

მოსახლეობისთვის ნაკლები დისკომფორტის შექმნის მიზნით, სამუშაოები ღამის საათებში შესრულდება.

„აღნიშნულთან დაკავშირებით მაგისტრალური ქსელის წყლისგან დაცლა აუცილებელია, რის გამოც, 8 ოქტომბერს ღამის 22:00 საათიდან 9 ოქტომბრის დილის 08:00 საათამდე წყალმომარაგება შეეზღუდება:

ისნის რაიონში, ვაზისუბნის დასახლებას, ვაზისუბნის I-IV მიკრორაიონებს, ვაზისუბნის III მიკრორაიონის 1-ელ და მე-2 კვარტალს, ვარკეთილის IV მიკრორაიონის მე-3 კვარტალს, კვაჭანტირაძის, ღვალაძის, დავითაიას, პილსუდსკის, მუსხელიშვილის, ლეჟავას, პატარიძის, მშველიძის და ვაზის ქუჩებს, შანდორ პეტეფის N1-ს და წულუკიძის ქუჩის ნაწილს.

„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge“ , - ნათქვამია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს