რომან გოცირიძე - ლარს გაუფასურება, ფასებს კი ზრდა ემუქრება

გაცილებით მაღალი პროცენტით იღებენ ვალს, ვიდრე ის 75 მილიონი ევრო იყო, რომელიც უპროცენტოდ მოდიოდა ევროკავშირიდან და ვითომ უარი თქვეს - ლარს ემუქრება გაუფასურება, ფასებს კი ზრდა,- ამის შესახებ ჟურნალისტებთან "ნაციონალური მოძრაობის" დეპუტატმა, რომან გოცირიძემ ბიუჯეტის პროექტის შეფასებისას განაცხადა, რომლის განხილვაც პარლამენტში დღეს იწყება.

როგორც მან აღნიშნა, ბიუჯეტი დეფიციტურია.

მისი თქმით, ხარჯები რეალურად არ შემცირებულა და პირიქით გაიზარდა, მათ შორის, ბიუროკრატიული ხარჯებიც.

"პირველი, რაც შეიძლება ვთქვათ, ეს არის ამ ბიუჯეტის ცრუპენტელური ნაწილი - პრემიერი გამოვიდა, არავითარ ვალებს აღარ ვიღებთ და ვალების შემცირება უნდა დავიწყოთო, მაგრამ საგარეო და საშინაო ვალი იზრდება 3.2 მილიარდი ლარით და გაცილებით მაღალი პროცენტით იღებენ ვალს, ვიდრე ის 75 მილიონი ევრო იყო, რომელიც უპროცენტოდ მოდიოდა ევროკავშირიდან და ვითომ უარი რომ თქვეს, ეს არის ფაქტობრივად აღიარება, რომ არ უნდოდათ სასამართლო რეფორმის ჩატარება. შიდა ვალსაც ძალიან მაღალი პროცენტით იღებენ და ქვეყნის ბიუჯეტი კვლავ არის დეფიციტური, რაც ნიშნავს სერიოზულ რისკებს ფასების და ლარის სტაბილურობის კუთხით - ლარს გაუფასურება ემუქრება, ფასებს - ზრდა. ის, რომ თითქოსდა ხარჯებს ამცირებენ, ესეც არის ტყუილი. აბსოლუტურად ყველა ხარჯი იზრდება, მათ შორის, ის ბიუროკრატიული ხარჯები, საკუთარი პარტიული აქტივი რომ ჰყავთ დასაქმებული, მამიდაშვილები და ბიძაშვილები, გადამალული აქვთ შტატგარეშე ხარჯები. ბიუჯეტი არის ბიუროკრატიული და უამრავი ფული იფლანგება უაზროდ. ნურავინ მოგატყუებთ, რომ ეს არის "ქამრის მოჭერა", არასდროს ამ ხელისუფლებას ქამრები არ მოუჭერია”, - განაცხადა გოცირიძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო