ნიკა კვარაცხელიას მკვლელობაში ბრალდებული აკო ჭელიძე დუმილის უფლებას იყენებს

22 წლის ნიკა კვარაცხელიას განზრახ ჯგუფურად მკვლელობაში ბრალდებული აკო ჭელიძე დუმილის უფლებას იყენებს. როგორც რუსთავის მე-6 პენიტენციური დაწესებულების დატოვების შემდეგ ჭელიძის ადვოკატმა დალი ბარბაქაძემ განაცხადა, ბრალდებული მომხდართან დაკავშირებით მასთანაც კი არ საუბრობს.

ამასთან, ადვოკატმა დაადასტურა საგამოძიებო ორგანოს ინფორმაცია, რომლის მიხედვითაც, დაკავებისას ბრალდებულებმა მიმალვა სცადეს.

ბარბაქაძის განმარტებით, ჭელიძე გაიქცა, თუმცა, მალევე დააკავეს.

“ძირითადად, პოზიციებზე გვქონდა შეთანხმება, ბრალის დადგენილება ოფიციალურად გავაცანით, ავუხსენით, რომ მას უფლება ჰქონდა კანონით დადგენილი დუმილის უფლება გამოეყენებინა ან ჩვენება მიეცა, რაზეც განაცხადა, რომ ამ ეტაპზე დუმილის უფლებას იყენებს. როცა გაეცნობა საქმის მასალებს, ჩამოვყალიბდებით, პოზიციას შევათანხმებთ და ჩვენების მისაცემად მზად არის. მოტივი რომ განემარტა, ეს უკვე ჩვენების მიცემა გამოვიდოდა. თავად არაფერს ამბობს, ჩემთანაც ამ ეტაპზე დუმილის უფლებას იყენებს, მაგრამ საქმის მასალები მოითხოვა, ერთად გავეცნობით. ბრალდებულ პირთა წრე შეიძლება გაიზარდოს, გაფართოვდეს იმის მიხედვით, რა მონაცემები, რა ინფორმაცია აქვს შსს-ს. ჭელიძისგან ვიცი, რომ ის წავიდა, მაგრამ მალევე დააკავეს. რაც შეეხება სახლის მეპატრონესთან კავშირს, ამაზე ჩემთან არ უსაუბრია და ვერ გეტყვით",- განაცხადა ბარბაქაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს