შალვა პაპუაშვილი - მეც მოვუწოდებ სააკაშვილს, რომ შიმშილობა შეწყვიტოს

მეც მოვუწოდებ სააკაშვილს, რომ შიმშილობა შეწყვიტოს,- ასე ეხმიანება საპარლამენტო უმრავლესობის წევრი შალვა პაპუაშვილი ჟურნალისტებთან სააკაშვილის ადვოკატის ინფორმაციას, რომ სააკაშვილმა შიმშილობის შედეგად 12 კილო დაიკლო. რაც შეეხება ტელევიზორსა და ლეიბს, პაპუაშვილის თქმით, ამასთან დაკავშირებით ადვოკატები არასწორ ინფორმაციას ავრცელებდნენ.

"რაც შეეხება სასჯელაღსრულების დაწესებულებაში სასჯელის მოხდის პირობებს, ამასთან დაკავშირებით ბოლო დღეებში ტყუილი ვრცელდება, მათ შორის, მისი ადვოკატების მხრიდან. ტყუილი იყო, რომ თითქოს ლეიბი არ ჰქონდა, თავიდანვე ჰქონდა ლეიბი მას, წარმოუდგენელია, იატაკზე ეძინა თუ როგორ დავიჯეროთ ეს? ტყუილია, რომ თითქოს ტელევიზორს არ აძლევდნენ, პროცედურაა, რომ შესყიდვა უნდა მოხდეს თავად სასჯელაღსრულების დაწესებულებაში და ამ პროცედურების გავლის შემდეგ მას ტელევიზორი აქვს.

რაც შეეხება შიმშილობას, მეც მოვუწოდებ მას, რომ შეწყვიტოს შიმშილობა. ეს რა თქმა უნდა, მისი პირადი გადაწყვეტილებაა, აქედან გამომდინარე სასჯელაღსრულების დაწესებულება რაიმე გადაწყვეტილებას ვერ მიიღებს,"- განაცხადა პაპუაშვილმა.

ცნობისთვის, სააკაშვილის ადვოკატის ინფორმაციით, სააკაშვილმა შიმშილობის შედეგად 12 კილო დაიკლო და სავარაუდოდ, მისი ჯანმრთელობა თანდათან გაუარესდება. მისივე ინფორმაციით, სააკაშვილს უკვე აქვს ტელევიზორიც და დამატებით ლეიბი. ადვოკატის თქმით, ლეიბი მას აქამდეც ჰქონდა, თუმცა, ვერ აკმაყოფილებდა ელემენტარულ, ადამიანურ მოთხოვნას, რაც შეეხება მოთხოვნას, რომ ის პირადმა ექიმმა შემოაწმოს, ამაზე პენიტენციური სამსახურისგან პასუხი არ მიუღიათ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო