ახლა ჩვენი გული და გონება მიმართულია იმ ადამიანებისკენ, რომლებიც ნანგრევებში არიან მოყოლილი და ჩვენ ყველანაირ ზომას უნდა მივმართოთ მათ გადასარჩენად, - ასე ეხმაურება ბათუმში „ევროპული საქართველოს“ მაჟორიტარობის კანდიდატი ვახტანგ კალოიანი ბათუმში მომხდარ ფაქტს.
მისი თქმით, სამაშველო ოპერაციის დროული ორგანიზება მნიშვნელოვანია.
„ახლა მნიშვნელოვანია სამაშველო ოპერაციის დროული და ადეკვატური ორგანიზება. ყველა დაზარალებულის გამოყვანა ნანგრევებიდან, რათა მოხერხდეს მათი სიცოცხლის გადარჩენა. მნიშვნელოვანია ჩვენი თანამოქალაქეების მხარდაჭერა, როგორც საზოგადოების, ასევე სახელმწიფო სტრუქტურების მხრიდან. ახლა ჩვენი გული და გონება მიმართულია იმ ადამიანებისკენ, რომლებიც არიან ნანგრევებში მოყოლილი და ჩვენ ყველაფერი უნდა გავაკეთოთ მათ გადასარჩენად“, - განაცხადა ვახტანგ კალოიანმა.