გიგი წერეთელი - უნდა ვიფიქროთ არსებულ ფორმატებში საქართველოს პოზიციების გაძლიერებაზე და არა ისეთ ფორმატში მონაწილეობაზე, სადაც დომინანტი რუსეთი იქნება

საქართველოს ის ფორმატები არ აქვს ეფექტურად ჯერ კიდევ გამოყენებული, სადაც რუსეთთან ერთად არიან ჩვენი დასავლური პარტნიორები, ეუთო, ევროსაბჭო, გაერო და იმ ფორმატში, სადაც ვიცით, რომ რუსეთი იქნება დომინანტი, რატომ უნდა მიიღოს საქართველომ მონაწილეობა, მე ვფიქრობ, მავნებლური მოსაზრებაა - ასე ეხმაურება „ევროპული საქართველოს“ პოლიტსაბჭოს თავმჯდომარე გიგი წერეთელი საგარეო საქმეთა მინისტრ დავით ზალკალიანის განცხადებას 3+3 ფორმატში საქართველოს მონაწილეობის შესახებ.

გიგი წერეთელმა საქართველოს საგარეო საქმეთა მინისტრის განცხადებას მავნებლური მოსაზრება უწოდა და აღნიშნა, რომ ის საქართველოს კონსტიტუციით აღიარებული დასავლური კურსის სრულიად საპირისპიროა.

„სრულიად გაუგებარია თუ რას ემსახურება ეს განცხადება, 3+3 ფორმატთან დაკავშირებით, საქართველოს ის ფორმატები არ აქვს ეფექტურად ჯერ კიდევ გამოყენებული, სადაც რუსეთთან ერთად არიან ჩვენი დასავლური პარტნიორები, ეუთო, ევროსაბჭო, გაერო და იმ ფორმატში, სადაც ვიცით, რომ რუსეთი იქნება დომინანტი, რატომ უნდა მიიღოს საქართველომ მონაწილეობა. მე ვფიქრობ, მავნებლური მოსაზრებაა, საქართველოს კონსტიტუციით აღიარებული დასავლური კურსის სრულიად საპირისპირო განცხადებაა, თუ რომელიმე ქვეყანასთან გვჭირდება ურთიერთობა - სამხრეთ კავკასიის ქვეყნებთან ორმაგი ფორმატები არსებობს, პლუს ამას, გვაქვს საქართველო-აზერბაიჯანი-თურქეთის ფორმატი, თუ სადმე გვჭირდება უფრო მეტი მუშაობა ამ ფორმატების გაძლიერებაზე, უნდა ვიფიქროთ, ვიდრე მივიღოთ ისეთ ფორმატში მონაწილეობა, სადაც რუსეთი იქნება წამყვანი ქვეყანა,“- განაცხადა გიგი წერეთელმა.

ცნობისთვის, საქართველოს საგარეო საქმეთა მინისტრმა, დავით ზალკალიანმა საზოგადოებრივ მაუწყებელთან ინტერვიუში განაცხადა, რომ 3+3 ფორმატში მონაწილეობა რთული იქნება, რადგან დეოკუპაციის მიმართულებით ნაბიჯები არ გადადგმულა. „იმ პირობებში, როცა ვერ ვხედავთ დეოკუპაციის მიმართულებით ვერანაირ პროცესს, ძალიან ძნელია, ამ ფორმატში დაჯდე და ისაუბრო რაღაც სახის ინფრასტრუქტურულ პროექტებზე,“- აღნიშნა საგარეო უწყების ხელმძღვანელმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა