ირანის ისლამური რესპუბლიკის ელჩი აქბარ ყასემი მწუხარებას გამოხატავს იმ ადამიანების გამო, ვინც ბათუმში შენობის ჩამონგრევას ემსხვერპლა და დაშავდა. ელჩი დაღუპულთა ოჯახებს უსამძიმრებს.
„ირანის ისლამური რესპუბლიკის ელჩი თანაგრძნობას უცხადებს საქართველოს ხალხს და მთავრობას ამ მტკივნეული ინციდენტის გამო და უფალს შესთხოვს, მოთმინებასა და სიმშვიდეს დაღუპულთა ოჯახებისათვის, ხოლო დაშავებულების სწრაფად გამოჯანმრთელებას“, - ნათქვამია ირანის საელჩოს მიერ გავრცელებულ განცხადებაში.