არქიტექტორი ირაკლი როსტომაშვილი - ბათუმში მომხდარი ტრაგედიის მსგავსი ფაქტი კიდევ იქნება, რადგან საქართველოში ავარიული უფრო მეტი შენობაა, ვიდრე საღი

„მენაშენეთა ასოციაციის“ თავმჯდომარის, არქიტექტორ ირაკლი როსტომაშვილის განცხადებით, ბათუმში შენობის ერთ-ერთი სადარბაზოს ჩამონგრევის ფაქტი, 99%-ით პირველი სართულის ან სარდაფის შუა ნაწილში მზიდი კედლის გამოცლამ გამოიწვია.

ამასთან, როსტომაშვილის თქმით, ბათუმში მომხდარი ტრაგედიის მსგავსი ფაქტები სხვა ბევრიც აუცილებლად იქნება, რადგან საქართველოში ავარიული უფრო მეტი შენობაა, ვიდრე საღი.

„პირველივე დღეს, როცა ეს მოხდა, დავაფიქსირე აზრი, რომ ნგრევის პროცესი, როგორც კადრებიდან ჩანს, ისე დაიწყო, რომ დაწოლა მოხდა პირველი და მეორე სართულს, გადახურვის ფილებს შორის და პირველი სართულის ბათქაშიც კი გამოინგრა. ეს 99%-ით გამოწვეული იყო პირველი სართულის ან სარდაფის შუა ნაწილში მზიდი კედლის გამოცლის გამო - ეს ცალსახაა. ბევრად ნაკლებია საღი შენობა თბილისსა და საქართველოს სხვა დიდ ქალაქებში.მსგავსი პრეცედენტები აცილებელი კი არა აუცილებლად იქნება და ძალიან გახშირდება, ძალიან ცუდ რამეს ვამბობ, მაგრამ ასეა.

სპეციალისტებმა ცხადია, უნდა შეიმუშაონ კანონმდებლობა, მე ვფიქრობ, დაგვიანებულიც კია, მაგრამ სჯობს დროზე გავაკეთოთ. ეს არის მშენებლობის სამინისტრო. თან ეს მშენებლობა ცუდია თუ კარგია, მთლიანი შიდა პროდუქტის ძალიან დიდ ნაწილს შეადგენს, ამის რეგულაცია და სწორ ჩარჩოებში მოქცევა არის აუცილებელზე აუცილებელი. მე მგონია, რომ ეს არის პრიორიტეტი, რადგან თბილისისთვის ყველაზე მნიშვნელოვანი საფრთხე არის ავარიული ფონდი, მე არ მინდა მოსახლეობა დავზაფრო, მაგრამ 4-5 ბალიანი მიწისძვრა რომ მოხდეს, კატასტროფის წინაშე აღმოვჩნდებით“, - განაცხადა როსტომაშვილმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს