გიული ალასანია - ჩემი შვილი ძველებურად ვერ გამოიყურება - ცდილობდა ყოჩაღად ყოფილიყო, მაგრამ ვერ არის ყოჩაღად

საქართველოს მესამე პრეზიდენტი მიხეილ სააკაშვილი შვილებმა და დედამ რუსთავის მე-12 პენიტენციურ დაწესებულებაში მოინახულეს.

როგორც მიხეილ სააკაშვილის დედამ გიული ალასანიამ სასჯელაღსრულების დაწესებულებიდან გამოსვლის შემდეგ ჟურნალისტებთან საუბრისას აღნიშნა, მისი შვილი ძველებურად ვერ გამოიყურება.

„ჩემი შვილის ჯანმრთელობის მდგომარეობას ვერ შევაფასებ, მაგრამ ვიცი ის, რომ ადამიანი მე-15 დღეა შიმშილობს. ვიდრე ამ საკანში მოხვდებოდა, ის დღეები, როგორ ჩანს, არაფერი უჭამია. მე ბევრი მოშიმშილე არ მინახავს, მაგრამ ეს ვნახე და ძველებურად ვერ გამოიყურება. მე და მისი შვილები შევედით, ძალიან ცდილობდა, რომ კარგად და ყოჩაღად ყოფილიყო, მაგრამ ვერ არის ყოჩაღად. ექიმის შეფასება სხვა არის და მათ კარგად იციან, მაგრამ, ჩემი აზრით, ძველებურად ვერ არის“ , - განაცხადა ალასანიამ.

კითხვაზე, აპირებს თუ არა ყოფილი პრეზიდენტი შიმშილობის შეწყვეტას, გიული ალასანიამ აღნიშნა, რომ „სამწუხაროდ თუ საბედნიეროდ მიხეილ სააკაშვილი მას დიდიხანია არაფერს არ უჯერებს და მას ყველაფერზე თავისი ჭკუა და აზრი აქვს“.

„ადრე ვინც შედიოდა, ვიცოდი მათი აზრი ამ საკითხზე, ამ თემაზე საერთოდ ლაპარაკიც არ უნდა. რა თქმა უნდა, მეც წამოვიწყე ამ თემაზე საუბარი, მაგრამ ეს თემა მიღებული არ იყო და შევცვალეთ მერე თემა. რაც შეეხება სასამართლო პროცესების ჩანიშვნას, პროცესების ჩანიშვნაზე არ გვისაუბრია, მაგრამ ჩემი აზრია, რომ ეს სწრაფად უნდა მოხდეს, რა არის აქ გადასადები?!“ - განაცახადა ალასანიამ და აღნიშნა, რომ „მიხეილ სააკაშვილი ბრძოლის ხასიათზე მუდმივად არის და ფეხზე იდგება“.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს