პრემიერი - ყველაზე მეტად ვისაც გაუხარდა სააკაშვილის დაჭერა, ეს არის ნიკა მელია - ვანო მერაბიშვილი დაჟინებით არწმუნებდა, რომ აქ სიტუაცია იმდენად არის მომწიფებული, მის ჩამოსვლას ხელს ვერავინ შეუშლიდა

ყველაზე მეტად ვისაც გაუხარდა სააკაშვილის ციხეში დაჭერა, ეს არის ნიკა მელია, რომელიც ფარისევლურად დადის ახლა და ციხის წინ აკეთებს კომენტარებს, - ამის შესახებ პრემიერ-მინისტრმა ირაკლი ღარიბაშვილმა განაცხადა.

ამასთან, როგორც ღარიბაშვილმა აღნიშნა, ყველაზე მეტად სააკაშვილს თბილისში ჩამოსვლას ვანო მერაბიშვილი არწმუნებდა.

„იმედია, გვისმენს პატიმარი სააკაშვილი და შევახსენებდი ვინ არწმუნებდა ყველაზე მეტად, რომ ჩამოსულიყო თბილისში, მათ შორის ერთ-ერთი იყო ვანო მერაბიშვილი, რომელიც დაჟინებით არწმუნებდა, რომ აქ სიტუაცია იმდენად არის მომწიფებული, რომ მის ჩამოსვლას ხელს ვერავინ შეუშლიდა. როგორც დაასრულა ამ ადამიანმა მისი ეს ავანტიურისტული ექსპერიმენტი, კარგად ვნახეთ, თავი ამოყო ციხეში. ამის გარდა, გვესმის, რომ ყველაზე მეტად ვისაც გაუხარდა მისი ციხეში დაჭერა ეს არის ნიკა მელია, რომელიც ფარისევლურად დადის ახლა და ციხის წინ აკეთებს კომენტარებს“ , - განაცხადა ღარიბაშვილმა.

ამასთან, როგორც პრემიერმა აღნიშნა, არჩევნების მეორე ტური აბსოლუტურად გამჭვირვალედ ჩატარდება.

"ყველა ქალაქში მოვიგებთ ამ არჩევნებსაც და ამის შემდეგ ქვეყანამ უნდა გააგრძელოს მშვიდობიანი განვითარება. ჩვენი მთავარი კითხვები უნდა შეეხებოდეს მოსახლეობის გასაჭირს. ესაა: უმუშევრობა, სიღარიბე, ეკონომიკური განვითარება და ქვეყნის სტაბილურობა, მშვიდობა", - განაცხადა ღარიბაშვილმა.

იხილეთ ვიდეო:ყველაზე მეტად ვისაც გაუხარდა სააკაშვილის დაჭერა, ეს ნიკა მელიაა - ვანო მერაბიშვილი დაჟინებით არწმუნებდა, რომ აქ სიტუაცია იმდენად არის მომწიფებული, მის ჩამოსვლას ხელს ვერავინ შეუშლიდა - პრემიერი

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს