თაკო ჩარკვიანი სააკაშვილზე - როდესაც ადამიანი შიმშილობს, შემდეგ სიკვდილი მოდის, ეს ხელსაყრელი იქნებოდა რუსეთის უშიშროებისთვის

უშიშროებიდან გამოვიდა ინფორმაცია, რომ საუბარი იყო სააკაშვილის დემორალიზებაზე - როდესაც ადამიანი შიმშილობს, შემდეგ სიკვდილი მოდის და ეს ხელსაყრელი იქნებოდა რუსეთის უშიშროებისთვის, - ამის შესახებ „კანონი და სამართალის“ თავმჯდომარემ, თაკო ჩარკვიანმა „პალიტრანიუსის“ გადაცემაში „დღის ნიუსრუმი“ განაცხადა.

მან ასევე ისაუბრა 10 ოქტომბრის აქციაზე, რომელიც მიხეილ სააკაშვილის გათავისუფლების მოთხოვნით გაიმართა. თაკო ჩარკვიანის თქმით, ყოფილი პრეზიდენტის მხარდამჭერი მოძრაობისა და „ნაციონალური მოძრაობის“ ელექტორატი ერთი და იგივეა.

„დარეგისტრირდა 117 ათასი ადამიანი, ოფიციალური მონაცემებით. ანალიტიკოსებმა კი გვითხრეს, რამდენიც რეგისტრირდება, იმდენი არ მოდისო, მაგრამ იმის ნახევარი, რომ მოვიდეს, უკვე კარგია. ამ მოძრაობის ელექტორატი და „ნაციონალური მოძრაობის“ ელექტორატი, მითუმეტეს, როდესაც ყველა პარტიამ 14 ოქტომბერს მოსვლა დააანონსა, ერთი და იგივე ელექტორატია. ამიტომ, უნდა იმოქმედო ამ დროს, შენი საქმისთვის, რომ კარგი იყოს. კაცი შიმშილობს, პრეზიდენტი, განა საკამათოა, რომ 10 ჯობია 14-ს? – 4 დღე საათობრივად სასიკვდილოდ მნიშვნელოვანია მოშიმშილესთვის და ამიტომ, ჯობია 10 ოქტომბერი და არა იმიტომ, რომ კაპრიზია ვინმესი.

უშიშროებიდან გამოვიდა ინფორმაცია, რომ საუბარი იყო სააკაშვილის დემორალიზებაზე. როდესაც ადამიანი შიმშილობს, შემდეგ სიკვდილი მოდის და ეს ხელსაყრელი იქნებოდა რუსეთის უშიშროებისთვის“, - განაცხადა თაკო ჩარკვიანმა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა