პაატა მანჯგალაძე - თუ „ნაცმოძრაობა" კერძო აქციას ჩაატარებს და არ იქნება კონსულტაციები პარტიებთან, „ჩანგალზე“ ვერ მივალთ

თუ „ნაციონალური მოძრაობა" კერძო აქციას ჩაატარებს და არ იქნება კონსულტაციები პარტიებთან, „ჩანგალზე“ ვერ მივალთ, - ამის შესახებ „სტრატეგია აღმაშენებლის" დეპუტატმა პაატა მანჯგალაძემ ჟურნალისტებთან 14 ოქტომბერს დაანონსებულ მიხეილ სააკაშვილის მხარდასაჭერ აქციასთან დაკავშირებით განაცხადა.

როგორც მან აღნიშნა, თუ აქცია პარტიული არ იქნება, ის, როგორც საქართველოს მოქალაქე, ამ აქციაზე მივა.

„აქციები გამოწვეულია საქართველოში არსებული უსამართლობით, პოლიტიკური დევნით, იმით, რომ სამართლიანი არჩევნები, სამართლიანი სასამართლო არ გვაქვს. მე როგორც ვიცი, ეს აქციები არ არის პარტიული და თუ ის არ არის პარტიული, მე როგორც საქართველოს მოქალაქე, როგორც ერთი ადამიანი, ვაპირებ, მივიდე ამ აქციაზე.

რაც შეეხება სააკაშვილის პატიმრობის საკითხს, ის პატიმარია იმის გამო, რომ „ქართულმა ოცნებამ" ვერ შეძლო 9 წლის მანძილზე სამართლიანი სასამართლოს შექმნა, რეფორმების განხორციელება, სამუშაო ადგილების შექმნა. ის, რომ დღეს უწევს სააკაშვილის და ყველა ოპონენტის მიმართ ანგარიშსწორება, ეს არის მათი უსაქმურობის, უნიათობის და სიბრიყვის დამსახურება. ვინაიდან ქვეყანაში არ არსებობს სამართლიანი სასამართლო, ყველა პატიმარი, მათ შორის, მიხეილ სააკაშვილი, რომელიც პოლიტიკური მოტივით არის დაკავებული, ჩაითვლება პოლიტპატიმრად. როცა საკითხი ეხება პოლიტიკური დევნის შეჩერებას, სამართლიან არჩევნებს, ეს ვერ იქნება ერთპარტიული, აქ უნდა იყოს ყველა ადამიანი სოლიდარული“, - განაცხადა მანჯგალაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს