სურსათის სააგენტო მოსახლეობას მოუწოდებს, სახელმწიფოს მიერ გატარებული ღონისძიებების პარალელურად, აზიური ფაროსანას წინააღმდეგ მექანიკური მეთოდები გამოიყენოს

სურსათის ეროვნული სააგენტო მოსახლეობას მოუწოდებს, სახელმწიფოს მიერ გატარებული ღონისძიებების პარალელურად, აზიური ფაროსანას წინააღმდეგ მექანიკური მეთოდები გამოიყენოს.

ფაროსანასთან ბრძოლის საკოორდინაციო მართვის ცენტრი მავნებლის საწინააღმდეგო ღონისძიებებს აგრძელებს, თუმცა, ამ პერიოდში, მწერი, მისი ბიოლოგიური ციკლიდან გამომდინარე, გამოსაზამთრებლად ემზადება და, ტემპერატურის კლებასთან ერთად, საცხოვრებელი სახლებისა და მიტოვებული შენობებისკენ გადაადგილდება, რის გამოც განსაკუთრებით მნიშვნელოვანია მოსახლეობის ჩართულობა და მავნებელთან მექანიკური მეთოდებით ბრძოლა.

,,მიმდინარე წელს, აზიური ფაროსანას საწინააღმდეგო ღონისძიებების ფარგლებში, დასავლეთ საქართველოში, სამეგრელოსა და ზემო სვანეთის, გურიის, იმერეთის, რაჭა-ლეჩხუმის რეგიონებსა და აჭარაში, ცივი შესხურების მეთოდით დამუშავდა 35-ათას ჰექტარზე მეტი სოფლების ტერიტორია, 22-ათას ჰექტარზე მეტი სიმინდის მასივი და ჯაგნარი, 100 ჰექტრამდე ტყის პერიმეტრი; თერმული ნისლის ტექნოლოგიით სულ დამუშავდა 70-ათას ჰექტარზე მეტი ფართობი; განთავსდა 5000-ზე მეტი ფერომონიანი დამჭერი, 40 000-ზე მეტი „მოიზიდე და გაანადგურე“ სადგური.

გატარებული ღონისძიებების შედეგად, მოსახლეობამ, წინა წლის მსგავსად, წელსაც თხილისა და სიმინდის უხვი და ხარისხიანი მოსავალი მიიღო“, - ნათქვამია ინფორმაციაში.

მექანიკური ღონისძიებების შესახებ ინფორმაცია იხილეთ ბმულებზე:

https://www.youtube.com/watch?v=2GvSS1Ug9K0&list=PLCWM8uITbWRvvb-9aE61QNsXtJi6WybUU&index=19

https://www.youtube.com/watch?v=7yZZUX_U8ZM

https://www.youtube.com/watch?v=J51jbVkXOCU

https://www.youtube.com/watch?v=QyaBjJES0cc&list=PLCWM8uITbWRvvb-9aE61QNsXtJi6WybUU

https://www.youtube.com/watch?v=23sHNGIIzSs&list=PLCWM8uITbWRvvb-9aE61QNsXtJi6WybUU&index=15

https://www.youtube.com/watch?v=9ivebC0miwI&list=PLCWM8uITbWRvvb-9aE61QNsXtJi6WybUU&index=17

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია