სააკაშვილის ადვოკატი - ჩანიშნონ ამ ოჯახაშენებულებმა სასამართლო პროცესი, ამდენი წელია ადამიანს ეძებდნენ, გულზე მჯიღს იცემდნენ, ჩამოსულია და წარადგინონ სასამართლოს წინაშე

ჩანიშნონ ამ ოჯახაშენებულებმა სასამართლო პროცესი, ამდენი წელია ადამიანს ეძებდნენ და გულზე მჯიღს იცემდნენ, რომ სასამართლოს წინაშე წარვადგენთო, ჩამოსულია, აქ არის, წარადგინონ სასამართლოს წინაშე, - ამის შესახებ საქართველოს მესამე პრეზიდენტის მიხეილ სააკაშვილის ადვოკატმა ბექა ბასილაიამ ჟურნალისტებს განუცხადა.

როგორც მან ჟურნალისტებს სასჯელაღსრულების დაწესებულებაში შესვლამდე განუცხადა, სასამართლო პროცესის ჩანიშვნის გაჭიანურების მიზეზი არის ის , რომ მათ მეორე ტურის წინ მიხეილ სააკაშვილის საზოგადოებაში გამოსვლის ეშინიათ.

„რაც შეეხება სასამართლო პროცესების ჩანიშვნას, ჩანიშნონ ამ ოჯახაშენებულებმა. ამდენი წელია ადამიანს ეძებდნენ და გულზე მჯიღს იცემდნენ, რომ სასამართლოს წინაშე წარვადგენთო, ჩამოსულია, აქ არის, წარადგინონ სასამართლოს წინაშე. თუმცა, მათ ეშინიათ. ეშინიათ, რომ მეორე ტურის წინ, მიშა სააკაშვილის საზოგადოებაში გამოსვლა უპირობოდ განმაპირობებელი იქნება „ქართული ოცნების“ მარცხის. მიშას მთავარი გზავნილიც ეს არის, რომ მეორე ტურში ყველა უნდა დაირაზმოს და „ქართული ოცნების“ ხელისუფლებიდან გასტუმრება ადგილობრივი დონიდან უნდა დაიწყოს“, - განაცხადა ბასილაიამ.

რაც შეეხება მიხეილ სააკაშვილის ჯანმრთელობის მდგომარეობას და მასთან მისი პირადი ექიმის ნიკოლოზ ყიფშიძის შესვლას, ბასიალიას თქმით, მას იმედი აქვს, რომ პენიტენციური სამსახური კვლავ მისცემს ნიკა ყიფშიძეს შესვლის და მიშას მონახულების უფლებას.

„ეს არ არის კომფორტი, ეს არის მოშიმშილე ადამიანისთვის უმნიშვნლოვანესი საკითხი“, -აღნიშნა ბასილაიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს