აქცია არის პოლიტიკური პოზიციის დაფიქსირების შესაძლებლობა, ჩემი პოზიცია საქართველოს მესამე პრეზიდენტის დაპატიმრებასთან დაკავშირებით, დაფიქსირებული მაქვს ძალიან ნათლად,- ამის შესახებ ფრაქციის "ლელო - პარტნიორობა საქართველოსთვის" დეპუტატმა სალომე სამადაშვილმა განაცხადა კითხვის პასუხად, დაესწრება თუ არა 14 ოქტომბერს დაანონსებულ აქციას.
როგორც მან აღნიშნა, მიხეილ სააკაშვილი არის პოლიტიკური ნიშნით დაპატიმრებული და ქვეყნისთვის უკიდურესად დამაზიანებელია, რომ ქვეყნის მესამე პრეზიდენტი ციხეში აღმოჩნდა.
„როგორც პოლიტიკური, ასევე მორალური თვალსაზრისით, ჩემი შეფასება არის ნათელი. რაც შეეხება აქციას, „ნაციონალურმა მოძრაობამ“ გადაწყვიტა ჩაატაროს აქცია და მნიშვნელოვნად თვლიან შესაბამისად. დარწმუნებული ვარ, აქციას დაესწრება ბევრი ადამიანი, რომელსაც ქვეყანაში სურს პოლიტიკური ცვლილებები და მათ შორის, პოლიტიკური დევნის დასრულება", - განაცხადა სამადაშვილმა.