სალომე ზურაბიშვილი - პარტიებს შორის დაძაბულობა თავისთავად ქმნის მართვის პრობლემას, როცა შეიძლება, რაღაც ფორმით კოალიციური მთავრობა საჭირო გახდეს

პარტიებს შორის დაძაბულობა თავისთავად ქმნის მართვის პრობლემას, როცა შეიძლება, რაღაც ფორმით კოალიციური მთავრობა საჭირო გახდეს, - ამის შესახებ საქართველოს პრეზიდენტმა სალომე ზურაბიშვილმა ავსტრიის პრეზიდენტთან ალექსანდერ ვან დერ ბელენთან შეხვედრის დასრულების შემდეგ პრესკონფერენციაზე განაცხადა.

ზურაბიშვილის თქმით, პრეზიდენტის როლი არის ის, რომ იყოს ზეპარტიული და ყველანაირად შეეცადოს, დაძლიოს პოლარიზაცია.

„ავსტრიისა და საქართველოს პოლიტიკური ვითარების შედარება ცოტა ძნელია, მაგრამ ცხადია, დღევანდელ მსოფლიოში, თითქმის ყველგან განვითარებულია ის ძალიან მძიმე ვითარება, რასაც პოლარიზაცია ჰქვია. პარტიებს შორის დაძაბულობა თავისთავად ქმნის მართვის პრობლემას, როცა შეიძლება, რაღაც ფორმით კოალიციური მთავრობა საჭირო გახდეს.

ჩვენ ადგილობრივ არჩევნებზე მეორე ტურს ველოდებით, მაგრამ ფაქტია, პრეზიდენტის მოვალეობა და ამ მხრივ, პრეზიდენტის როლი სამაგალითოა. პრეზიდენტის როლი არის ის, რომ იყოს ზეპარტიული და ყველანაირად შეეცადოს, დაძლიოს პოლარიზაცია, ყოველ შემთხვევაში, ამ კუთხით იყოს მაგალითი და ეცადოს გაერთიანებას. ეს არ ნიშნავს იმას, რომ ყველას უცებ გაუჩნდება ერთნაირი შეხედულება სხვადასხვა საკითხებზე. გაერთიანება ნიშნავს იმას, რომ უნდა შეგეძლოს მეორეს მოსმენა და მეორესთან ზოგ საკითხებზე მაინც თანამშრომლობა. ჩვენ გვაქვს ერთი ძალიან მნიშვნელოვანი მიმართულება, რომელზედაც არსებობს კონსენსუსი, ეს არის დეოკუპაცია და ევროინტეგრაცია. ეს ორი საკითხი უნდა გვაძლევდეს საშუალებას, ერთმანეთს დაველაპარაკოთ და ერთმანეთთან ვცადოთ, ამ ქვეყანას შევუნარჩუნოთ ის, რაც მთავარია, ეს არის სტაბილურობა“, - განაცხადა პრეზიდენტმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს