ანა ბუჩუკური - სამმხრივ მოლაპარაკებაზე არც „ოცნებისგან“ და არც „ნაცმოძრაობისგან“ პასუხი არ მიგვიღია - თუ საბოლოოდ პასუხი არ იქნება ან იქნება უარი, გადაწყვეტილებას მივიღებთ ძალაუფლების დაბალანსების პრინციპით

გიორგი გახარიას პარტიას, „საქართველოსთვის“ საკრებულოების დაკომპლექტების მიზნით ღია სამმხრივი მოლაპარაკების შესახებ „ქართული ოცნებისა“ და „ნაციონალური მოძრაობის“ მიმართ შეთავაზებაზე არცერთი პარტიისგან პასუხი ამ დრომდე არ მიუღია. ამის შესახებ „ინტერპრესნიუსს“ პარტიის წევრმა ანა ბუჩუკურმა განუცხადა.

როგორც ის აღნიშნავს, პასუხის მისაღებად მათ კონკრეტული ვადა განსაზღვრული არ აქვთ. ამასთან, კითხვაზე, აღიქვამდენ თუ არა შეთავაზებაზე „ქართული ოცნებისა“ და „ნაციონალური მოძრაობის“ მხრიდან დუმილს უარად, ბუჩუკური ამბობს, რომ „აქამდე რომ სდუმან, შეიძლება ასე იყოს აღქმული“.

„შეთავაზებაზე ორივე მხარის თანხმობა უნდა ყოფილიყო, რა თქმა უნდა, მხოლოდ ერთ მხარესთან საუბარს არ ვაპირებთ. როგორც იცით, გაცხადებული გვაქვს, რომ არც „ქართულ ოცნებასთან“ და არც „ნაციონალურ მოძრაობასთან“ კოალიციას არ ვაპირებთ. შეთავაზება ითვალისწინებდა სწორედ ამ სამმხრივ ღია მოლაპარაკებებს. ამ შეთავაზებაზე, არცერთი პარტიის მხრიდან ოფიციალური პასუხი, სამწუხაროდ, არ მიგვიღია. ცალკეული წარმომადგენლები სხვადასხვა შინაარსის განცხადებებს აკეთებდნენ, მაგრამ ვგულისხმობ ოფიციალურ პოზიციას, რაც არ მოგვისმენია. ეს, პრინციპში, არ გაგვკვირვებია იმიტომ, რომ როგორც ერთ, ისე მეორე პარტიას ახასიათებს რადიკალიზმი, მათ წარმოდგენაში თვითონ უნდათ იყვნენ მხოლოდ, ორივე პარტიას ერთმმართველობის ჟინი აქვს. შესაბამისად, გასაკვირი არ არის მათი პოზიცია. ამას წინასწარაც ვითვალისწინებდით. არ ვიცი, დღეს ან ხვალ აზრს თუ შეიცვლიან, მაგრამ არ მგონია. ჯერჯერობით პასუხი არ არის და როდემდე შეიძლება მოცდა. წამზომი არ ჩაგვირთავს, მაგრამ იმას რომ ადასტურებენ, რომ ერთიც რადიკალია, მეორეც და მათთვის პირადი პარტიული ინტერესი უფრო მნიშვნელოვანია, ვიდრე ამ შემთხვევაში საკრებულოს გამართული ფუნქციონირება, ეს ფაქტია. ამასაც ვითვალისწინებდით“, - განაცხადა ანა ბუჩუკურმა.

მისივე თქმით, თუ „ქართული ოცნება“ და „ნაციონალური მოძრაობა“ სამმხრივ მოლაპარაკებებზე უარს იტყვიან, გახარიას პარტია გადაწყვეტილებებს ძალაუფლების დაბალანსების პრინციპით მიიღებს.

„თუ მათგან საბოლოოდ პასუხი არ იქნება ან იქნება უარი, ჩვენ თითოეულ შემთხვევაში გადაწყვეტილებას მივიღებთ ძალაუფლების დაბალანსების პრინციპით, ეს რაში იქნება გამოხატული, ამ დღებში ვისაუბრებთ დეტალურად“,- განაცხადა ანა ბუჩუკურმა.

რაც შეეხება იმას, ექნება თუ არა მათ პარტიას პრეტენზია, რომ საკრებულოების თავმჯდომარეები მათი წარმომადგენლები იყვნენ, ბუჩუკური ამბობს: „ვნახოთ“.

ცნობისთვის, პარტია „საქართველოსთვის“ „ქართულ ოცნებას“ და „ნაციონალურ მოძრაობას“ სთავაზობს საკრებულოების თავმჯდომარეებთან დაკავშირებით ღია სამმხრივი მოლაპარაკებები გამართონ.

პარტიის ლიდერის, გიორგი გახარიას თქმით, მისი პარტია არცერთი მუნიციპალიტეტის დონეზე კოალიციის შექმნას არ აპირებს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს