ალუდა ღუდუშაური - სააკაშვილი ბატკნის ხორცს და ქათმის მწვადს ვერ მიირთმევს, მასაჟს ვერ იკეთებს ციხეში, მაგრამ მიირთმევს 5 კილო თაფლს - არ დაიჯეროთ, რომ ამის გამო, ვინმე გაათავისუფლებს

ბატკნის ხორცს და ქათმის მწვადს ვერ მიირთმევს ბატონი სააკაშვილი, მასაჟს ვერ იკეთებს იქ, მაგრამ მიირთმევს 5 კილო თაფლს - არ დაიჯეროთ, რომ ამის გამო ვინმე გაათავისუფლებს მას , - ამის შესახებ „ქართული ოცნების“ დეპუტატმა, ალუდა ღუდუშაურმა „პალიტრანიუსის“ გადაცემაში „პოლიტიკური სივრცე’’ განაცხადა.

მისი თქმით, კანონის შესაბამისად, ყოფილი პრეზიდენტი მსჯავრს ბოლომდე მოიხდის.

როგორც ღუდუშაურმა აღნიშნა, მიხეილ სააკაშვილის საპატიმროდან გათავისუფლება იმის გამო არ მოხდება, რომ იგი შიმშილობს.

„სააკაშვილი გასამართლებული არის, მის მიმართ მიმდინარეობს არაერთ სისხლის სამართლის საქმე, რომლებზეც გასამართლდება. დღეს საქართველოში არის აბსოლუტურად სხვა სასამართლო - თავისუფალი. დღეს, რომ ტელევიზიით უყურებთ იმას, რაც სასამართლოში ხდება, თვალით ვერ ხედავდით იქ, რაც მკვლელების და მწამებლების დროს იყო. რითი არის მესამე პრეზიდენტი განსხვავებული იმ პირებისგან, ვინც სასჯელს იხდის? - რაც არის კანონდებლობაში, აღსრულდება ის. არსად, პატიმრის შიმშილობა არ არის წინაპირობა იმისა, რომ უნდა გათავისუფლდეს იმ მსჯავრისა და პასუხისმგებლობისგან, რაც ჩაიდინა.

როდესაც საუბრობენ სამართლიანობის აღდგენაზე, იქნებ გავიხსენოთ ცხონებული ენუქიძე და ის დედები, ვისაც შავები ჩააცვეს ამათმა და მათ შორის სააკაშვილმა. ძალიან კომფორტულად ზის იქ [ციხეში]. იცით რამდენი ადამიანი შიმშილობდა მათ დროს?! რაიმე გაუთვალისწინებიათ?! - ჯანმრთელობის მდგომარეობიდან გამომდინარე, შესაბამისი ჯანდაცვის სისტემა ამუშავდება და რაც არის კანონმდებლობით გათვალისწინებული, ის იქნება. ბატკნის ხორცს და ქათმის მწვადს ვერ მიირთმევს ბატონი სააკაშვილი, მასაჟს ვერ იკეთებს იქ, მაგრამ მიირთმევს 5 კილო თაფლს. არ დაიჯეროთ, რომ ამის გამო ვინმე გაათავისუფლებს მას. აქ შეიკრიბებიან და ქალბატონი თაკო თურმე დააზანზარებს რუსთაველის გამზირს, - არც დაიჯეროთ ასეთი რამ - სააკაშვილი ბოლომდე მოიხდის იმ მსჯავრს, რაც აქვს სასამართლოთი“, - განაცხადა ალუდა ღუდუშაურმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს