მიხეილ სარჯველაძე - არ შეიძლება დამაჯერებელი ტონით ისაუბრო „მისმენენ-არ მისმენენ“, მგონი, საამისოდ ფაქტების შესახებ სრულად ინფორმაციას არავინ ფლობს

არ შეიძლება დამაჯერებელი ტონით ისაუბრო „მისმენენ-არ მისმენენ“, მგონი, საამისოდ ფაქტების შესახებ სრულად ინფორმაციას არავინ ფლობს, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ განაცხადა, რითაც ევროპარლამენტარ მაიკლ გალერის განცხადებას გამოეხმაურა, რომელიც ამბობს, რომ სალომე ზურაბიშვილმა მათ უთხრა, რომ მასაც უსმენენ.

სარჯველაძე ასევე გამოეხმაურა გალერის მოსაზრებას, რომ მოსმენებზე მსგავსი ინფორმაციის გავრცელების შემთხვევაში, ფუნქციონირებად დემოკრატიაში მინისტრი გადადგებოდა და აღნიშნა, რომ პრევენციულად ვინმეს გადადგომის მომხრე არ არის.

„თუ მართლა ასეთი საუბრები მიმდინარეობს გამოძიების დასრულებამდე საერთაშორისო ასპარეზზე, ეს კარგი არ არის. არ შეიძლება მისმენენ - არ მისმენენ დამაჯერებელი ტონით ისაუბრო, მგონი საამისოდ ფაქტების შესახებ სრულად ინფორმაციას არავინ ფლობს. რაც შეეხება მინისტრის გადადგომის დაანონსებას, წინასწარ განცხადებების კეთება არ მგონია აუცილებელი, რადგან არ ვიცით, გამოძიებით რა დადგინდება. ვიდრე დადგინდება პრევენციულად გადადგომის მომხრე, რასაკვირველია მე ვერ ვიქნები და ასეთ მოსაზრებას, რომ წინასწარ ბრალის დადასტურების გარეშე ვინმე პასუხისგებაში მიეცეს, არ მგონია სწორი, პოლიტიკურ პასუხისმგებლობასაც ვგულისხმობ მათ შორის,-, განაცხადა სარჯველაძემ.

ცნობისათვის, ევროპარლამენტარ მაიკლ გალერის განცხადებით, სალომე ზურაბიშვილმა მათ უთხრა, რომ მასაც უსმენენ. როგორც მან "ამერიკის ხმის" ქართულ რედაქციასთან განაცხადა, საყოველთაო მოსმენების თაობაზე ინფორმაციის გავრცელების შემდეგ ფუნქციონირებად დემოკრატიაში პასუხისმგებელი პირი გადადგებოდა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა