პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მიხეილ სარჯველაძის თქმით, მისასალმებელია იუსტიციის სამინისტროს ინიციატივა მიხეილ სააკაშვილის ჯანმრთელობის მდგომარეობის პერიოდული დაკვირვებისა და საჭიროების შემთხვევაში, შესაბამისი რეკომენდაციების წარდგენის მიზნით, საზოგადოებისთვის პროცესის მეტი გამჭვირვალობისთვის განახორციელონ პატიმრის უფლებების დაცვის მონიტორინგი.

როგორც მიხეილ სარჯველაძემ ჟურნალისტებს განაცხადა, ამ ინიციატივის მიზანი სწორია და გარკვეული სპეკულაციების საფუძველს მოსპობს.

„მისასალმებელია იუსტიციის სამინისტროს ინიციატივა, ვინაიდან მიზანი ერთმნიშვნელოვნად სწორია და მიმართულია საზოგადოების ინფორმირებულობის გაზრდაზე, რაც საგანგებოდ მნიშვნელოვანია, რათა გარკვეული სპეკულაციებისთვის საფუძველი რაც შეიძლება ნაკლები იყოს და მოისპოს“, - აცხადებს მიხეილ სარჯველაძე.