თინა ბოკუჩავა - კარტოგრაფების საქმეზეც ბრალის დამატების მცდელობას არ გამოვრიცხავ, ვიდრე ამას გააკეთებს ივანიშვილის რეჟიმი საკუთარი დამქაშების მეშვეობით, ქართველი ხალხის ძალისხმევით, სააკაშვილი გათავისუფლდება

ე.წ. კარტოგრაფების საქმეზეც სააკაშვილისთვის ბრალის დამატების მცდელობას არ გამოვრიცხავ, მაგრამ, სანამ ამას გააკეთებს ივანიშვილის რეჟიმი საკუთარი დამქაშების მეშვეობით, რომელსაც მოსამართლეებს ეძახიან, ქართველი ხალხის ძალისხმევით, სააკაშვილი გათავისუფლდება,- ამის შესახებ "ნაციონალური მოძრაობის" წევრმა თინა ბოკუჩავამ ჟურნალისტებთან განაცხადა, რითაც კარტოგრაფების საქმის პროკურორის განცხადებას გამოეხმაურა, რომელმაც თქვა, რომ ამ საქმის ფარგლებში, გამორიცხული არ არის სააკაშვილი გამოიკითხოს.

მისივე თქმით, ის ოთხი საქმეც, რომელიც "სააკაშვილის წინააღმდეგ შეიკერა, არის სრულად პოლიტიკურად მოტივირებული."

"ვერაფერს გამოვრიცხავთ იმიტომ, რომ სრულიად თავზე ხელაღებულია ივანიშვილის რეჟიმი. ამიტომ ამ საქმეზეც ბრალის დამატების მცდელობას ვერ გამოვრიცხავ, თუმცა, დარწმუნებული ვარ, სანამ აღნიშნულ მოქმედებებს დაიწყებს და დაასრულებს ივანიშვილის რეჟიმი საკუთარი დამქაშების გამოყენებით, რომელსაც მოსამართლეებს ეძახიან და სინამდვილეში არიან პოლიტიკური დაკვეთების შემსრულებლები, მონურ მორჩილებაში მყოფი ინდივიდები, როგორიც არის მაგალითად, მურუსიძე, ჩინჩალაძე, კოჭლამაზაშვილი, რომელიც იგივე შეწყალების საქმეში ფიგურირებს და ახლა ბრალს უყენებს პრეზიდენტ სააკაშვილს, მაგრამ ვარწმუნებ მათ, სანამ ისინი შეძლებენ ამ მოქმედებების რეალობაში მოყვანას, ქართველი ხალხის ძალისხმევით მოხდება პრეზიდენტ სააკაშვილის გათავისუფლება", - განაცხადა სააკაშვილმა.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო