მიხეილ სარჯველაძე - იუსტიციის სამინისტროში შეხვედრაზე შევთანხმდით, რა ფორმატით ვიმუშავებთ და როგორ იქნება ინფორმაციის მონაცვლეობა საიმისოდ, რომ გამორიცხული იყოს ყოველგვარი სპეკულაცია

საქართველოს პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძე აცხადებს, რომ ამ დრომდე, ყოფილი პრეზიდენტის, მიხეილ სააკაშვილის საპატიმროში ყოფნის პერიოდში, იუსტიციის სამინისტროს და პენიტენციური სამსახურის მისამართით რაიმე საყვედური, ექსპრეზიდენტის უფლებების დარღვევის კუთხით, არ არსებობს.

“ამ დროისთვის სწორად ეს იყო ჩვენი შეხვედრის მიზანი, რომ შევთანხმებულიყავით იმ მექანიზმებზე, რითაც ეს გაკონტროლდება. ამ მონაცემებით, საფუძველს ვერ ვხედავ საიმისოდ, რომ რაიმე ბრალდება იქნას წაყენებული, ან რაიმე საყვედური იქნას თქმული პენიტენციური სამსახურის და იუსტიციის სამინისტროს მიმართ. ყველა სტანდარტი და უფლება, რომელიც არის მოქმედი კანონმდებლობით და თანამედროვე სტანდარტით გათვალისწინებული, დაცულია და რაიმე საპირისპიროს დასაბუთების საფუძველი ობიექტურად არ მოიპოვება.

მომავალშიც გაგრძელდება და სწორად ამაზე შევთანხმდით, რა ფორმატით ვიმუშავებთ და როგორ იქნება ინფორმაციის მონაცვლეობა საიმისოდ, რომ გამორიცხული იყოს ყოველგვარი სპეკულაცია.

პერსონალური მონაცემები ზოგადად, ეს არის სტანდარტი, ყველას ევალება, რომ დაცული იქნეს. შესაბამისად, ამ კუთხითაც გვქონდა საუბარი, როგორ მოხდება პრევენცია იმისა, რომ რაც შეიძლება მაღალი იყოს პატივისცემის სტანდარტი. გვაქვს რეალური გეგმა იმასთან დაკავშირებით, როგორ მოხდება სამომავლოდ პრევენცია ასეთი სამართლებრივი დარღვევების”, - განაცხადა სარჯველაძემ.

ცნობისათვის, იუსტიციის მინისტრი რატი ბრეგაძე, პარლამენტის წევრებს, ჯანდაცვის მინისტრს და სახალხო დამცველს შეხვდა. შეხვედრაზე იმსჯელეს იუსტიციის სამინისტროს შეთავაზებაზე, რომ განხორციელდეს მონიტორინგი მსჯავრდებულ/ბრალდებულ მიხეილ სააკაშვილის უფლებრივი მდგომარეობისა და ჯანმრთელობის შესახებ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო