მეუფე მიქაელი - სუს-ის ფაილები არ მაინტერესებს და რა გავაკეთო? შეიძლება 5 პროცენტი სიმართლე იყოს და 95 პროცენტი „მიკერებული" - ეკლესიასაც უსმენენ და ყველაფერს
სუს-ის ფაილები არ მაინტერესებს და რა გავაკეთო? შეიძლება 5 პროცენტი სიმართლე იყოს და 95 პროცენტი „მიკერებული". ეკლესიასაც უსმენენ და ყველაფერს, - ამის შესახებ თიანეთისა და ფშავ-ხევსურეთის ეპისკოპოსმა, მეუფე მიქაელმა ჟურნალისტებს ე.წ ფარულ ჩანაწერებთან დაკავშირებით განუცხადა.
მისი განმარტებით, სასულიერო პირები ეკლესია-მონასტრებს აშენებენ და ლოცულობენ.
„ჩვენ ჩვეულებრივად ვცხოვრობთ, თუ ერთმანეთს დავუდგებით გვერდში კარგი იქნება, თუ ერთმანეთს გავლანძღავთ და ცუდს ვიკადრებთ, ვინც ცუდს იკადრებს, ის პასუხს აგებს",- აღნიშნა მეუფე მიქაელმა.
ცნობისთვის, გავრცელდა ჩანაწერები, რომლის თანახმად, სახელმწიფო უსაფრთხოების სამსახური სავარაუდოდ, სასულიერო პირებს, ჟურნალისტებს და სხვადასხვა სფეროს წარმომადგენლებს უსმენს.
