სამინისტრო - ქუთაისის ზონალურმა დიაგნოსტიკურმა ლაბორატორიამ საკვალიფიკაციო ტესტირება წარმატებით გაიარა

სოფლის მეურნეობის სახელმწიფო ლაბორატორიის ქუთაისის ზონალურმა დიაგნოსტიკურმა ლაბორატორიამ, საკვალიფიკაციო ტესტირება წარმატებით გაიარა.

გარემოს დაცვისა და სოფლის მეურნეობის სამინისტროს ცნობით, საკვალიფიკაციო ტესტირება ვირუსოლოგიას, კერძოდ, კაპრიპოქსის ვირუსს/Capripox virus ეხებოდა.

„საკვალიფიკაციო ტესტირება ორგანიზებული იყო ბელგიის ჯანდაცვის ინსტიტუტის, Sciensano/Belgian Institute for Health-ის მიერ.

Sciensano-ს საქმიანობა ორიენტირებულია მჭიდრო და მყარ ურთიერთკავშირზე, ჯანმრთელ ადამიანს, ცხოველსა და უსაფრთხო გარემოს შორის („ერთიანი ჯანდაცვის“ პრინციპი). ცხოველთა ჯანმრთელობის დაცვის კუთხით Sciensano წარმოადგენს ეროვნულ რეფერენს ლაბორატორიას ცხოველთა ყველა დაავადებაზე.

საკვალიფიკაციო ტესტირების მიზანია, დაამტკიცოს რომ ლაბორატორიას შეუძლია კაპრიპოქსის ვირუსის ზუსტი იდენტიფიკაცია, წარმოაჩინოს თავისი შესაძლებლობები გამოცდის შედეგების უტყუარობისა და სანდოობის უზრუნველსაყოფად. რაც ქუთაისის ზონალურ-დიაგნოსტიკურმა ლაბორატორიამ წარმატებით შეასრულა.

მნიშვნელოვანია აღინიშნოს, რომ სოფლის მეურნეობის სახელმწიფო ლაბორატორიაში ყოველწლიურად წარმატებით მიმდინარეობს პროფესიული საკვალიფიკაციო ტესტირებები.

ლაბორატორიაში არსებული კვლევის მეთოდები კი, საერთაშორისოდ აკრედიტებულია“, - აღნიშნულია ინფორმაციაში.

დამატებითი ინფორმაცია ლაბორატორიაში არსებული სერვისებისა და ფასების შესახებ იხილეთ ვებგვერდზე - http://sla.gov.ge/Ge

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს