ყველას სურვილია, რომ ეს ადამიანები საკუთარ შეცდომებზე და დანაშაულებზე ერთ დღეს დაფიქრდნენ, - ამის შესახებ საქართველოს პრემიერ-მინისტრმა, ირაკლი ღარიბაშვილმა საყოველთაო შერიგებასთან დაკავშირებით მეუფე ნიკოლოზის განცხადებების კომენტირებისას განაცხადა.
„რაც შეეხებაა ეკლესიის წარმომადგენლების მხრიდან ზოგადად მოწოდებებს, გვესმის, რომ ყველას სურვილია, ჩვენი სურვილიცაა, რომ ეს ადამიანები საკუთარ შეცდომებზე, დანაშაულებზე ერთ დღეს დაფიქრდნენ და გაიაზრონ პასუხისმგებლობა ჩვენი ქვეყნის და ჩვენი ხალხის წინაშე“,- განაცხადა ღარიბაშვილმა.
შეგახსენებთ, ახალქალაქისა და კუმურდოს მიტროპოლიტმა, მეუფე ნიკოლოზმა რუსთავის სასჯელაღსრულების დაწესებულებიდან გამოსვლის შემდეგ განაცხადა, რომ მიხეილ სააკაშვილს სთხოვა, მოეწოდებინა მომხრეებისთვის, რომ ყველამ ვიფიქროთ შერიგებაზე.