“თავისუფლება მიშას”, “არა პოლიტიკურ დევნას” - ამ სლოგანით ამ წუთებში აქციის მონაწილეები რესპუბლიკის მოედნიდან თავისუფლების მოედანზე მსვლელობით მიემერთებიან, სადაც აქცია 18:00 საათზე დაიწყება.
მსვლელობის მონაწილეები სკანდირებენ: “მიშას გაუმარჯოს”, “თავისუფლება მესამე პრეზიდენტს”.
მოქალაქეები, რომლებიც რესპუბლიკის მოედანზე შეიკრიბნენ, დასავლეთ საქართველოს სხვადასხვა რაიონებიდან ჩამოვიდნენ.
როგორც ისინი აცხადებენ, აქცია მშვიდობიანი ხასიათის და მასშტაბური იქნება. მათი მთავარი მოთხოვნაა ციხიდან გათავისუფლდეს საქართველოს მესამე პრეზიდენტი მიხეილ სააკაშვილი.
ამასთან, აქციის მონაწილეების ნაწილი ამბობს, რომ თბილისში დარჩენას და აქციის გამართვას იქამდე აპირებს, ვიდრე ციხიდან არ გათავისუფლდება მიხეილ სააკაშვილი.
ამ დროისთვის რესპუბლიკის მოედანზე უკვე გადაკეტილია საავტომობილო მოძრაობა. ადგილზე მობილიზებულია პოლიცია.