თავისუფლების მოედანზე, სადაც საქართველოს მესამე პრეზიდენტის მიხეილ სააკაშვილის გათავისუფლების მოთხოვნით აქცია მიმდინარეობს, მოქალაქეების ნაწილს ხელში სიმბოლურად ვარდები უჭირავთ.

ვარდები აქციის მონაწილეების ნაწილს თავისუფლების მოედანზევე დაურიგეს.

აქციას სხვადასხვა რეგიონიდან ჩამოსული მოქალაქეები შეუერთდნენ. თავისუფლების მოედანზე აქციაზე ასევე წაიკითხეს მიხეილ სააკაშვილის გამოგზავნილი წერილი ციხიდან, სადაც ის მის მხარდამჭერებს 30 ოქტომბერს არჩევნებში მონაწილეობისკენ მოუწოდებდა.