ლევან გოგიჩაიშვილი - რა ახსნა უნდა მოუძებნო იმ ადამიანების საქციელს, რომლებმაც გააზრებულად იციან, რა ჩაიდინა სააკაშვილის რეჟიმმა და დღეს იქ დგანან? - ავადმყოფობა

რა ახსნა უნდა მოუძებნო იმ ადამიანების საქციელს, რომლებმაც გააზრებულად იციან, რა ჩაიდინა სააკაშვილის რეჟიმმა და

დღეს იქ დგას? - ავადმყოფობა, - ამის შესახებ პოლიტიკოსმა ლევან გოგიჩაიშვილმა „პალიტრანიუსის“ გადაცემაში „თავისუფალი სტუდია“ განაცხადა.

მისი თქმით, გარკვეული სპეკულაციების შედეგად, ქვეყანაში შესაძლოა, უარესი პროცესი განვითარდეს.

როგორც გოგიჩაიშვილმა აღნიშნა, „ერთიანი ნაციონალური მოძრაობის“ დაპირება, რომ შეიქმნება კოალიციური მთავრობა, მათი ხელისუფლებაში მოსვლის შემდეგ, ორ თვეში აღარ იარსებებს.

„ეს „ქართული ოცნების“ დასასრულის დასაწყისი იქნება, თუ პროცესი ასე წავა. ჩვენ შანტაჟში ვერ ვიცხოვრებთ - „მგელი მოვა, მგელი მოვაზე“ არ არის ლაპარაკი, განვითარება გვინდა, ერთ ადგილას ვდგავართ, ვტკეპნით, კიდევ უფრო უკან წავალთ. ამ ტყვეობაში ადამიანი ბოლოს ვეღარ გაძლებს. ამით ვაჭრობა, სპეკულაცია, ეს თუ არა, ის იქნება - ეს კიდევ უფრო დიდი დანაშაულია, შეიძლება უფრო უარესი პროცესი მივიღოთ. რადგან აქამდე მიიყვანეს, ამაზე პასუხისმგებლობა თავიდან ბოლომდე ხელისუფლებას ეკუთვნის.

ხელისუფლებას რომ იღებ, მორალური ლეგიტიმაცია ხომ უნდა გქონდეს? „ნაციონალურ მოძრაობას“ არანაირი ლეგიტიმაცია არ გააჩნია. ვერაფერს გააკეთებენ, რევანშისა და შურისძიების მეტი არაფერი მოხდება - იმაზე უარესი მოხდება, რაც ხდებოდა. ამხელა ბოღმა, რომ შემოესევა და გადმოეფინება, ამაზე ადამიანი რომ ფიქრობ, შეიძლება ყველა გადაწიო და ფარად დადგე. თქვენ წარმოგიდგენიათ „ნაციონალურ მოძრაობაში“ კოალიცია?! რამდენ ხანში გაანადგურებს იმ თავის კოალიციას? - ალბათ ორ თვეში ეს კოალიცია აღარ იარსებებს, იმათ უბრალოდ შეჭამენ. ერთმანეთი არ დაინდეს ხელისუფლებაში, რომ მოვიდნენ 2003 წელს, ვინ ვის დაინდობს, რა კოალიცია და ვინ დააბალანსებს?!“, - განაცხადა ლევან გოგიჩაიშვილმა.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს