სალომე ზურაბიშვილმა  შვეიცარიის კონფედერაციაში საქართველოს მეგობართა ჯგუფის წევრები ღირსების მედლით დააჯილდოვა

საქართველოს პრეზიდენტმა სალომე ზურაბიშვილმა საზღვარგარეთ ქართული კულტურისა და ხელოვნების პოპულარიზაციაში შეტანილი განსაკუთრებული წვლილისა და მხარდაჭერისათვის ღირსების მედლით დააჯილდოვა შვეიცარიის კონფედერაციაში საქართველოს მეგობართა ჯგუფის წევრები:მარიანა კრაიერი, ბარბარა შელევალდი და სირილ ჰერინგი.

პრესსამსახურის მიერ გავრცელებულ ინფორმაციაში ნათქვამია, რომ მარიანა კრაიერი, 30 წელზე მეტია საზოგადოებრივი გაერთიანება ,,საქართველოს" წევრია შვეიცარიაში. თანადამაარსებელია თბილისის მე-6 ავტორიზებული სკოლის და გამომცემლობა ,,ამირანის" და კიტა და აკაკი ჩხენკელების არქივის თანამფლობელი, დახმარებას უწევს ქართველ ხელოვანებს და ეწევა ქართული ხელოვნების პოპულარიზაციას, ატარებს ქართული კულტურის ფესტივალებს.

სირილ ჰერინგი, იურისპუდენციის დოქტორია, რომელმაც ბაზელში დააარსა მხატვრების გაცვლითი პროგრამა, რითიც დღემდე არაერთმა ქართელმა ისარგებლა. საქართველოში რეგულარულად ატარებს სხვადასხვა უნივერსიტეტებში ლექციებსა და სემინარებს.

ბარბარა შელევალდი ბაზელის უნივერსიტეტის ემერიტუსი და შუასაუკუნეების ხელოვნების სპეციალისტია. განსაკუთრებით აღსანიშნავია ბაზელის უნივერსიტეტის სახლეოვნებათმცოდნეო ფაკულტეტიდან სამეცნიერო ექსპედიცია ტაო-კლარჯეთში და გამოსცა უმნიშვნელოვანესი კვლევა სახელოვნებათმცოდნეო პერიოდიკაში.

პრესსამსახურიც ცნობით, დაჯილდოების ცერემონია დღეს ქალაქ ბერნში გაიმართა.

საქართველოს პრეზიდეტმა საქართველოს სახელმწიფო ჯილდოები საქართველოს მეგობართა ჯგუფის წევრებს თავად გადასცა და საქართველო-შვეიცარიის ისტორიული ურთიერთობების შესახებ ისაუბრა, რომელშიც გარკვეულ ეტაპებზე ქალთა ჩართულობა და მათი როლი განსაკუთრებულ ადგილს იკავებდა.

პრეზიდენტმა ყურადღება გაამახვილა შვეიცარიის კონფედერაციაზე, როგორც საქართველო - რუსეთს შორის მედიატორის განსაკუთრებულ როლზე.

დაჯილდოებულებს ღირსების მედლების მიღება ქართული ხალხური სიმღერითა და მუსიკალური ნაწარმოებებით მიულოცეს ანსამბლმა ,,რუსთავი" და საქართველოს პირველი პრეზიდენტის, ზვიად გამსახურდიას შვილიშვილმა დემეტრე გამსახურდიამ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს