პარტია „საქართველოსთვის“ წევრი ანა ბუჩუკური მიიჩნევს, რომ მიხეილ სააკაშვილი პოლიტიკური პატიმარი არ არის, თუმცა აღნიშნავს, რომ ხელისუფლების პასუხისმგებლობაა, არ გაჩნდეს კითხვები მის საქმეებთან დაკავშირებით.

„ბუნებრივია, გუშინდელი აქციის გამო, ჩვენი პოზიცია არ შეცვლილა, ჩვენ ჩვენს გეგმავს მივყვებით, როგორც მანამდე ჩვენი პოზიციები არის მყარი. რაც შეეხება გამოშვება- არგამოშვებას, როგორც იურისტი გეუბნებით, სამართლებრივად რთულად წარმოსადგენია აქციის დაკონვერტირება გათავისუფლებაში. „ქართული ოცნების“ პასუხისმგებლობაა, რომ მართლმსაჯულება აღსრულდეს ყოველგვარი კითხვის ნიშნის გარეშე. ჩვენი პარტიის პოზიციაა, რომ მიხეილ სააკაშვილს აქვს მისჯილი და ის არის დამნაშავედ ცნობილი ქართული სასამართლოს მიერ, რამდენიმე საქმეზე მიმდინარეობს პროცესი და რაიმე კითხვები რომ არ გაჩნდეს, მათ შორის, მაგალითად, სტრასბურგის სასამართლოში, ესეც არის „ქართული ოცნების“ ხელისუფლების პასუხისმგებლობა, რომ ყოველგვარი კითხვის ნიშნის გარეშე მოხდეს პატიმარ სააკაშვილის მიმართ სასჯელის აღსრულება, რაც მათ შორის, გულისხმობს მისი უფლებების დაცვას, ისევე როგორც სხვა პატიმრების, მათ შორის, ჯანმრთელობის უფლება უნდა იყოს დაცული,“ - განაცხადა ბუჩუკურმა.