არ მგონია, რომ საზოგადოების დიდ ნაწილში კითხვები ჩნდებოდეს სააკაშვილთან დაკავშირებით - კანონის უზენაესობა და სასჯელი, რაც აქვს დაკისრებული სასამართლოს მიერ, უნდა აღსრულდეს,- ამის შესახებ პარლამენტის ვიცე- სპიკერმა გიორგი კახიანმა განაცხადა.
როგორც მან აღნიშნა, აქციას რაიმე გავლენა მართლმსაჯულების აღსრულებაზე ვერ ექნება.
"ჩვენ ვხედავთ, რომ გარკვეული პირების მხრიდან ლობიზმი მიმდინარეობს სააკაშვილის მიმართ, მაგრამ ეს არაფერს ნიშნავს. შეიძლება ვინმემ შეფასება გააკეთოს სასამართლოსთან მიმართებით და თქვას, რომ სააკაშვილი პოლიტიკური პატიმარია, ეს მათი შეფასებაა და რეალობა არის სულ სხვა. საზოგადოებამ კარგად იცის, რა ქმედებები იყო ჩადენილი, როგორი რეჟიმი იყო, როგორი ხელისუფლება და რაც იყო პროცესში მიხეილ სააკაშვილის როლი,"- განაცხადა კახიანმა.