„ქართული ოცნების" დეპუტატის მიხეილ სარჯველაძის შეფასებით, მცდარია პოსტულატი, რომ ყველა ოპოზიციური პარტია და მათი ამომრჩეველი არჩევნების მეორე ტურში „ნაციონალურ მოძრაობას" დაუჭერს მხარს.
როგორც სარჯველაძემ ჟურნალისტებთან საუბრისას აღნიშნა, იმის გათვალისწინებით, თუ რა მსოფლმხედველობის შეიძლება იყოს სხვადასხვა ოპოზიციური პარტიის მხარდამჭერი, საკმარისია იმისთვის ითქვას, რომ მაგალითად, გიორგი გახარიას ელექტორატი არჩევნების მეორე ტურში რამდენად აუცილებლად მივა და "ნაციონალურ მოძრაობას" დაუჭერს მხარს
"არ მგონია ასე იყოს განწყობილი "ლელოს" ან ანა დოლიძის პარტიის ამომრჩეველი. გაცილებით მაღალია ალბათობა იმისა, რომ ასეთმა ამომრჩეველმა ან "ქართულ ოცნებას" მისცეს ხმა ან დარჩეს სახლში, ვიდრე მექანიკურად "ნაციონალური მოძრაობის" ამომრჩეველთა ბანაკში გადაინაცვლონ", - განაცხადა მიხეილ სარჯველაძემ.