სალომე ზურაბიშვილი - მინდა გამოვხატო მადლიერება იმ როლისთვის, რასაც შვეიცარია ასრულებს 2009 წლიდან, რუსეთ-საქართველოს კონფლიქტის შემდგომ

პირველ რიგში, მადლობა გადავუხადე ბატონ პრეზიდენტს, შვეიცარიის მიერ საქართველოს მიმართ სოლიდარობისათვის, ეს არის სოლიდარობა ორ პატარა ქვეყანას შორის და რომელიც პირველ რიგში, გამოხატულია შვეიცარიის მიერ საქართველოს ტერიტორიული მთლიანობის მიმართ მუდმივ მხარდაჭერაში, - ამის შესახებ საქართველოს პრეზიდენტმა, სალომე ზურაბიშვილმა შვეიცარიის კონფედერაციაში ოფიციალური ვიზიტის ფარგლებში, შვეიცარიის პრეზიდენტთან ერთობლივ პრესკონფერენციაზე განაცხადა.

როგორც სალომე ზურაბიშვილმა აღნიშნა, ორ ქვეყანას შორის დიპლომატიურ ურთიერთობას 30 წელი უსრულდება. მისი თქმით, საქართველოსა და შვეიცარიას შორის არსებული ურთიერთობა ახალ ეტაპზე გადადის.

სალომე ზურაბიშვილმა შვეიცარიის პრეზიდენტს მადლობა გადაუხადა საქართველოს მიმართ გამოხატული სოლიდარობისთვის.

„მადლობა ბატონო პრეზიდენტო, მადლობა მოწვევისთვის, ძალიან მოხარული ვარ და დიდი პატივია ჩემთვის, რომ ეს შვეიცარიაში საქართველოს პრეზიდენტის პირველი ვიზიტია. მიმდინარე და მომავალი წელი, ჩვენი ურთიერთობებისთვის, როგორც თქვენ აღნიშნეთ ძალიან მნიშვნელოვანია, რამეთუ 30 წელი უსრულდება ჩვენს დიპლომატიურ ურთიერთობებს, 25 წელი შესრულდა, რაც გაიხსნა თანამშრომლობის ოფისი საქართველოში, 20 წელი, რაც გაიხსნა შვეიცარიის საელჩო და ამდენი თარიღის ირგვლივ, მე მგონი, ეს ჩვენი ურთიერთობების გაღრმავების მართლაც ახალი ეტაპია.

მე, პირველ რიგში, მადლობა გადავუხადე ბატონ პრეზიდენტს, შვეიცარიის მიერ საქართველოს მიმართ სოლიდარობისათვის, ეს არის სოლიდარობა ორ პატარა ქვეყანას შორის და რომელიც პირველ რიგში გამოიხატულია შვეიცარიის მიერ საქართველოს ტერიტორიული მთლიანობის მიმართ მუდმივ მხარდაჭერაში. ეს ძალიან მნიშვნელოვანია, რადგან როგორც იცით ბევრად უფრო რთულ რეგიონში ვართ, ვიდრე შვეიცარია იმყოფება. ჩვენთვის ეს მხარდაჭერა ერთი მხრივ, არა მხოლოდ სიმბოლური, არამედ ძალიან პრაქტიკულიცაა.

მე, პირველ რიგში, მინდა გამოვხატო ჩვენი მადლიერება იმ როლისთვის, რასაც შვეიცარია ასრულებს 2009 წლიდან, რუსეთ-საქართველოს კონფლიქტის შემდგომ და ჩვენი რეგიონების ოკუპაციის შემდგომ, შვეიცარია შუამავალია ჩვენსა და რუსეთს შორის და ასრულებს ამ როლს მოსკოვში. ძალიან მნიშვნელოვანი იყო ასევე, უშუალოდ ბატონი პრეზიდენტის როლი, როცა გათავისუფლებული იქნა ზაზა გახელაძე, მას შემდეგ, რაც მას ჰქონდა საშუალება უმაღლეს დონეზე ესაუბრა რუსეთის ხელმძღვანელობასთან. ჩვენ განვიხილეთ საქართველოს ოკუპირებულ ტერიტორიებზე დღეს არსებული სიტუაცია, (რაც ძალიან მნიშვნელოვანია ამ როლისთვის).

ეს ჩვენი მოსახლეობისთვის ძალიან მძიმე ჰუმანიტარული მდგომარეობაა, სადაც არ უნდა ცხოვრობდნენ ისინი - ამ ხაზის აქეთ, თუ იქით. ეს ჰუმანიტარული მდგომარეობა უფრო დამძიმდა კოვიდის პირობებში, რამეთუ ეს გამოყენებულ იქნა იმისთვის, რომ ჩაკეტილიყო გადასასვლელი პუნქტები და არ მიეცათ ჩვენს მოქალაქეებს სამკურნალო საშუალებებით სარგებლობის საშუალება. ასევე, გავუსვი ხაზი, იმას თუ რა პირობებში იმყოფებიან ჩვენი მოქალაქეები, როცა მათ ოკუპირებულ ტერიტორიებზე არ ეძლევათ ქართულ ენაზე განათლების მიღების საშუალება.

ჩვენთვის და მთლიანად რეგიონისთვის ძალიან პრობლემატურია ის მილიტარიზაცია, რასაც ვუყურებთ პრაქტიკულად ყოველდღიურად ორივე რეგიონში, ორივე ოკუპირებულ ტერიტორიაზე. სამწუხაროდ, ჟენევის მოლაპარაკებებზე, რომელიც ახლახან დასრულდა, არ ვხედავთ ჯერ მდგომარეობის რაიმე გაუმჯობესებას, ან რაიმე მომავალ გადაწყვეტილებას, რომელიც გადაწყვეტს ამ ძალიან რთულ და მძიმე პირობებს. შეხვედრაზე განვიხილეთ ასევე, რეგიონში შექმნილი მდგომარეობა, მას შემდეგ, რაც რამდენიმე თვის წინ, კონფლიქტი გაჩაღდა ჩვენ ორ მეზობელს შორის და პირველ ეტაპზე საქართველოს წარმატებული როლი მედიაციაში, რომელიც გაგარძელდება. ვიცი, რომ შვეიცარიაც ჩართულია. მისი სამშვიდობო როლი აქაც გამოიხატება და ყველასთვის ძალიან ნათელია, რომ ამ რეგიონში აუცილებელია სტაბილურობა, იმისთვის, რომ განხორციელდეს ყველა ის სამომავლო პროექტი, რაც რეგიონის განვითარებას შეუწყობს ხელს.

ჩვენი საუბრის მთავარი თემა - ორმხრივი მიმართულებები და ორმხრივი თანამშრომლობა იყო. ეკონომიკური ურთიერთობები, რომელიც ძალიან დიდ პოტენციალს შეიცავს, რამეთუ ჩვენს ქვეყნებს ბევრი საერთო აქვთ. ჩვენთვის ძალიან მნიშვნელოვანია, რომ გამოვიყენოთ ის გამოცდილება, რაც შვეიცარიას აქვს. ეს იქნება ტურიზმის სექტორში, ენერგეტიკაში, ეკოლოგიაში, სოფლის მეურნეობის დარგში, სამთო ტურიზმსა და სპორტში და იმ დარგში, რომელიც ძალიან მნიშვნელოვანია დღევანდელი საქართველოსთვის და მისი ეკონომიკური განვითარებისათვის - პროფესიული განათლების დარგი. ასევე ტექნოლოგია, ინოვაცია, ყველაფერი ის, რაც პატარა ქვეყნისთვის იმას ნიშნავს, რომ ხვალინდელი ეკონომიკური განვითარება უფრო სრულყოფილი და ადვილი იქნება.

მე მინდა, კიდევ ერთხელ, მადლობა გადაგიხადოთ ამ მიღებისთვის, იმ საუბრისთვის, რომელსაც იმედი მაქვს, რომ საქართველოში გავაგრძელებთ, როცა გვესტუმრებით და ჩვენს ქვეყნებს შორის ურთიერთობების გაღრმავებისათვის გამოხატული მზადყოფნისათვის“, - განაცხადა სალომე ზურაბიშვილმა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა