ბიძინა ივანიშვილის ბიზნესცენტრთან, სადაც მიხეილ სააკაშვილის გათავისუფლების მოთხოვნით აქცია მიმდინარეობს, სიტუაცია დაიძაბა. სამართალდამცველებსა და აქციის მონაწილეებს შორის დაპირისპირების შემდეგ ტერიტორიიდან 3 პირი გაიყვანეს. როგორც "ინტერპრესნიუსს" შსს-ში განუცხადეს, ისინი ადმინისტრაციული წესით დააკავეს.

აქციის მონაწილეები სამართალდამცველებს უპირისპირდებიან, რადგან ისინი აქციის მონაწილეებს კედელზე სტიკერების გაკვრის საშუალებას არ აძლევენ. აქციის მონაწილეები სხვადასხვა შეძახილებს სკანდირებენ, ისინი მიხეილ სააკაშვილის გათავისუფლებას ითხოვენ.