დღეს სუნიტი მუსლიმები წინასწარმეტყველ მუჰამადის დაბადების დღეს აღნიშნავენ.რელიგიის საკითხთა სახელმწიფო სააგენტო სუნიტ მუსლიმებს ამ დღესასწაულს ულოცავს და მათ სიკეთეს, მშვიდობას უსურვებს.
„ტრადიციის მიხედვით, მუჰამადი დაიბადა 571 წელს მექაში.
აღნიშნულ დღეს მუსლიმები დიდ სიხარულს გამოხატავენ და მადლობას უხდიან ალაჰს, რომ მოევლინა სამყაროს მუჰამადი.
ამ დროს კითხულობენ ქადაგებებს მუჰამადის ცხოვრების შესახებ და ადიდებენ მას, სახლებში ამზადებენ სადღესასწაულო კერძებს, ეპატიჟებიან ნათესავებს და მეგობრებს. მიღებულია ბავშვებისთვის საჩუქრების გადაცემა და მოწყალების დარიგება ღარიბებისთვის.
რელიგიის საკითხთა სახელმწიფო სააგენტო ულოცავს სუნიტ მუსლიმებს ამ დღესასწაულს, სიკეთეს და მშვიდობას უსურვებს მათ“, - აღნიშნულია მილოცვაში.