აშშ-ის თავდაცვის მდივანი ხაზს უსვამს, რომ მისი ვიზიტის მიზანი საქართველოს ევრო-ატლანტიკური ინტეგრაციისკენ წინსვლაა, - ამის შესახებ საქართველოს პარლამენტის საგარეო ურთიერთობების კომიტეტის თავმჯდომარის მოადგილე გიორგი ხელაშვილი „ტვიტერში“ წერს.

„მომავალი სამი წელი უაღრესად მნიშვნელოვანია ამ კუთხით და ოსტინის ვიზიტი საქართველოს მთავრობასა და ბაიდენის ადმინისტრაციას შორის თანამშრომლობის სწორი მიმართულების შესაქმნელად უნდა იქნას გამოყენებული,“- აცხადებს ხელაშვილი.

შეგახსენებთ, ამერიკის შეერთებული შტატების თავდაცვის მდივანი ლოიდ ოსტინი უკვე საქართველოშია.